ရန်ကုန်မှာရောက်နေတုန်း မန္တလေးသွားမယ်ဆိုပြီး ကျနော်တို့ ဟာ ရထားဘူတာကို 11 လောက်ကရောက်လာပါတယ်။ ရောက်တယ် ဆိုရင်ပဲ ပစ္စည်းသယ်မယ့်သူတွေထွက်လာကြပါတယ်။ ပစ္စည်းကနည်းနည်းလေးများတယ်ဆိုပေမယ့် ကိုယ်ကသယ်နိုင်တော့ မလုပ်ပါ နဲ့ ဆိုပြီး အတင်းကိုတားရပါတယ်ဗျာ။ (သူတို့ က စေတနာအရမ်းရှိနေတာကိုး)
အဲလိုနဲ့ ပေါ့ လက်မှတ်ကို မှတ်ပုံတင်နဲ့ တကွ ဂိတ်မှာပြပြီးသွားတဲ့အချိန်မှာ ကျနော်တို့ ဝယ်ထားတဲ့ upper class ကိုသွား လိုက်ပါတယ်။ ကျနော်က ရုပ်ရှင်တွေတော်တော်ဝါဿနာပါတော့ တော်တော်လေးကိုကြည့်ဖြစ်ပါတယ်။ အဲ Upper ဆိုတဲ့ အသံကို ကြားလိုက်တော့ တော်တော်လေးကို ပျော်သွားတယ်ဗျ။ ဟုတ်တယ်လေ အကောင်းစားလေးမှာလိုက်ပါသွားရမှာကိုး။
Upper ဆိုတဲ့အတိုင်း ကိုယ်ပိုင်အခန်းလေးနဲ့ ပါပဲ။ အခန်းကသိပ်မကျယ်ပါဘူး။ နှစ်ဖက်စလုံးမှာ နှစ်ထပ်ကုတင်နဲ့ ပါ။ အလယ်မှာ၊ ပြတင်းပေါက်နဲ့  ကပ်ရက် သိပ်မကျယ်တဲ့ တစ်တောင်စာ စားပွဲလေးရှိပါတယ်။ ဒါပါပဲ သူတို့ ရဲ့ အထက်တန်းပေါ့နော်။ အဲ လေအေးစက်တော့မရှိပါဘူး။ ပန်ကာလေးနဲ့ ပေါ့လေ.. သဘာဝလေကို အားရပါးရရှုနိုင်တယ်ပေါ့ (အကောင်းဘက်က တွေးတတ်ရင်ပေါ့။)
အဲလိုနဲ့  ပစ္စည်းတွေကိုနေရာချပြီး (ကုတင်အောက်မှာ ထိုးသွင်း၊ မကုန်ရင် ကုတာင်ပေါ်တင်ပေါ့လေ)ခဏနားနေတုန်းမှာ ကွမ်းယာတို့  ဆေးလိပ်တို့  လာရောင်းပါတယ်။ အဲဒီမှာ ကျနော် တော်တော်လေးအံ့သြသွားတယ်ဗျ။ ဘာလို့ လဲဆိုတော့ ရထား ပေါ်မှာ ဆေးလိပ်မသောက်ရဆိုတဲ့ စာကပ်ထားတယ်လေ။ ဆေးလိပ်မသောက်ရဆိုမှတော့ ဆေးလိပ်လာရောင်းရတယ်လို့  ပေါ့နော်။ အင်းလေးမှာ ဖိနပ်သွားရောင်းတာနဲ့ အတူတူပဲလေ မဟုတ်ဘူးလားလို့ ။
အဲလိုနဲ့  ရထားက ဘူတာကနေ 12း05 မှာထွက်ပါတယ်။ ရထားထွက်တာနဲ့  ဗိုက်ဆာလာလို့  ကိုယ့်မှာပါလာတဲ့ ထမင်း၊ ဟင်း တွေဖွင့်ပြီးစားတာပေါ့ဗျာ။ ဗိုက်ဖြည့်ပြီးတော့ ပြတင်းပေါက်ကနေ ရှုစားပါတယ်။ တော်တော်လေးကို သာယာတယ်ဗျာ။ လေကလဲ တဟူးဟူး တိုက်နေတာပဲ။ လေကောင်းလေသန့် ပါပဲ။ တော်တော်လေးကို ပျော်ဖို့ ကောင်းပါတယ်။
အဲလိုနဲ့ သွားလိုက်တာ...ခဏနေတော့ နဲနဲပူလာတယ်ဆိုပြီး တစ်ခုတည်းသော ပန်ကာကိုဖွင့်လိုက်တယ်ဆိုရင်ပဲ ပန်ကာက အလုပ်လုပ်ဘူးဖြစ်နေတယ်။ ဒါနဲ့  ကျနော်တို့ က မင်းတို့ ပန်ကာအလုပ်မလုပ်ပါလားလို့  ဆိုင်ရာဆိုင်ရာ ကိုပြောတော့ သူတို့ က မဖွင့်ပေးသေးတာပါ လို့ ပြောတယ်လေ။ အဲမကြာပါဘူး ပန်ကာလေးက လည်လာပါတယ်ဗျာ။
ကြာတော့.....အပေါ့သွားချင်တာနဲ့  အိမ်သာကိုသွားတာပေါ့လေ။ အိမ်သာမှာ ပုတင်းပေါက်နဲ့ ပါ။ အဲထိုင်ပြီးသွားရတယ်လေ။ မထိုင်လို့ ရမလားလို့  မေးစရာရှိမှာပေါ့လေ။ ကျနော်ပြောချင်တာက ရေဆွဲချုရတဲ့ အိမ်သာမဟုတ်ပါဘူး။ ရေလောင်းရတဲ့ အိမ်သာပါ။ အံ့သြစရာကောင်းသာက ရေမလာသာပါပဲ။ ရထားဆီးမယ်ဆိုရင် လိုအပ်တာတွေဆောင်ထားဖို့ ပေါ့ဗျာ။ မဟုတ်ရင် တော်တော်လေး ဒုက္ခရောက်လိမ့်မယ်နော်..အထူးသဖြင့် မိန်းကလေးပေါ့ဗျာ။ အဲ ပုတင်းပေါက်ကလဲ အပေါ်မှာ အသေပိတ်ပြီး အောက်ပိုင်းက ပွင့်နေတယ်ဗျ။ ကြည့်ရင် ကိုယ့်ရဲ့  ကွယ်ဝက်ထားတဲ့ အရာတွေပေါ်နိုင်တယ်ဗျ။
အဲလို နဲ့ ညရောက်ရော ဗိုက်ဆာလာတာနဲ့  ရထားက ဟင်းတွေကို မှာစားတာပေါ့ဗျာ။ မဆိုးပါဘူး တော်တော်လေးကို ကောင်းပါတယ်။ ထမင်းစားပြီးရင်တော့ ပြတင်းပေါက်ကနေ လွင့်လိုက်ပေါ့လေ။ အဲကိုယ်ကမကုန်၊ ပြီးတော့ ဟင်းနဲ့  ထမင်းကကျန်နေသေးတယ်ဆိုရင် ထုတ်ထားလိုက်ပါ။ လမ်းမှာ လာတောင်းတဲ့ ကလေးတွေရှိပါတယ် သူတို့ ကို သနားသော အားဖြင့် စွန့် ကြဲတာကောင်းပါတယ်။
ညရောက်တဲ့အချိန်မှာ ရထားက မီးတွေဖွင့်ပေးပါတယ်။ မီးဖွင့်လိုက်တော့ နည်းနည်းထိန်ထိန်ညီးသွားတယ်ပေါ့နော်။ အဲ ခက်တာက အဲဒီ မီးကို ခရီးသယ်တွေ ပိတ်လို့ မရတာပါပဲ။ ကျနော်လဲ မီးပိတ်လို့ မရတာကို ဂရုမစိုက်ပါဘူး။ ဒါပေမယ့် ညနက် တော့ အကောင်တွေက မီးကိုတွေ့ ပြီး လာပြီး မီးပုံပွဲ ကျင်းပနေတာပါပဲ။ ပင်ပန်းတဲ့အကောင်တွေက ကိုယ်ပေါ်တို့  မျက်နှာမှာ တို့  လာနားတာပေါ့ဗျာ။ အဲဒီတုန်းက တော်တော်လေး စိတ်ညစ်လိုက်ပါတယ်။ (ဒီစာရေးနေတုန်း အိမ်မြှောင်တောင် ကျနော့် ပေါ်ကျလာသေးတယ်၊ သက်သေလာပြုတာလားတော့မသိဘူးပဲ)
ကုတင်အကြောင်းပြောရအုန်းမယ်။ ကုတင်အကျယ်က တစ်ဝက်လိမ့်စာပါ....လှည့်ယုံလေးပေါ့ဗျာ။ ပေးတဲ့ပစ္စည်းတွေကတော့ မလျှော်ထားတဲ့ ခေါင်းအုန်းရယ် (အဆိုးမြင်တာ မဟုတ်ပါဘူး..တစ်ကယ်ပြောတာပါ၊)၊ မခင်းထားတဲ့ အိပ်ယာခင်းရယ်ပါ။ ကိုယ့်အားကို ကိုးပေါ့လေ..ဟ။ ကုတင်ကနှစ်ထပ်ဆိုပေမယ့် တက်တဲ့ လှေကားက တစ်ထစ်ထဲပါ။ အဲဒီလေကားက ကုတင်နှစ်ခု ကြားမှာ ထားထားတယ်လေ။ ယောင်္ကျားလေးတွေအတွက် ပြဿနာ မရှိပေမယ့် မိန်းကလေး ဖြစ်ခဲ့ရင်တော့ တော်တော်လေးကို အခက်အခဲတွေ့ နိုင်ပါတယ်။
ပိတ်လို့ မရတဲ့မီးရယ်၊ သိပ်မကျယ်တဲ့ ကုတင်လေးမှာ အကောင်လေးတွေကို ဖက်ပြီးအိပ်ရင်း လိုရာခရီးကို မနက် 4 နာရီ လောက်မှာရောက်ပါတယ်။ နေ့ လည် 12း05 မှာထွက်တာ မနက် 4 နာရီလောက်မှ ရောက်တော့ တော်တော်လေးကို ပင်ပန်း တယ်လို့ ပြောရပါတယ်။ အဲလိုနဲ့  ရထားပေါ်ကဆင်းလိုက်တော့ လမ်းတစ်လျှောက်မှာ လူတွေတန်းစီပြီးအိပ်နေတာကို အထူး အဆန်းတွေ့ လိုက်ရပါတယ်။
အဲဒါတွေကို ကျော်ဖြတ်လိုက်တဲ့အချိန်မှာ မန္တလေး ဘူတာကနေထွက်ဖို့  လှေကားပေါ်တက်မယ်လုပ်တယ်ဆိုရင်ပဲ လက်မှတ် စစ် နဲ့ တွေ့ ပါတယ်။ လက်မှတ်စစ်က ရထားပေါ်မှာလဲ စစ်ခဲ့ပြီးပါပြီ။ ဒါပေမယ့် သူတို့ က အဲလိုမျိုးပြန်စစ်ပါတယ်ဗျာ။ သွားဖြစ် ခဲ့ရင် ရထားလက်မှတ်အသင့်ပြင်ထားပေါ့ဗျာ။
မန္တလေးဘူတာက တော်တော်လေးကို ကြီးပါတယ်။ ရထားကဆင်းပြီး အပေါ်ကိုတက်၊ ပြီးတော့လမ်းနည်းနည်း လျှောက်၊ ပြီးရင် လှေကားက ပြန်ဆင်းနဲ့  တော်တော်လေးကို လည်သွားပါတယ်။
ဒါက မန္တလေးရထားဘူတာပါ တော်တော်လေးကို ခံ့ညားပါတယ်။ (အပြင်ပိုင်းကပေါ့နော်၊ အတွင်းပိုင်းတော့ အလုပ်ရှုပ်နေတာနဲ့  အဲဒီနေ့ က မရိုက်ဖြစ်ခဲ့ပါဘူး)။ အမှန်ပါ တော်တော်လေးကို ကြည့်လို့ ကောင်းပါတယ်..မြင်ရတဲ့အတိုင်းပေါ့နော်။
ရထားဘူတာအပြင်ကိုရောက်လို့  လေးဘီးနဲ့  တည်းခိုမယ့်နေရာကိုရောက်သွားခဲ့ပါတယ်ဗျာ။ အိပ်မယ်လုပ်တုန်း အိပ်မပျော်ခဲ့ပါဘူး။ အဲဒါနဲ့  လမ်းလျှောက်ထွက်ခဲ့ပါတယ်။ လမ်းတစ်လျှောက်မှာ ဆိုင်ကယ်တွေကားတွေသွားလာ လုပ်ရှားနေတွေ့ ရပါတယ်။ ကိုရင် တွေဆွမ်းခံကြွလာတာလဲတွေ့ ပါတယ်။ အဲ...ထူးဆန်းတာက ကိုရင်တွေက ဆိုင်အရှေ့ မှာ ဆွမ်းခံရပ်တော့ ဆိုင်ရှင်က ဆွမ်းမကပ်ရင် ကိုရင်တွေက တစ်နေရာမှာ ထိုင်ပြီး စောင့်နေတာကို တွေ့ ရတယ်ဗျ။ (မန္တလေးက ကျနော့် အတွက် ပထမ ဆုံးမို့  ကျနော်မသိတာလားတော့ မသိပါဘူးဗျာ။ )
အဲလိုနဲ့ မိုးလင်းတော့ ဗိုက်ဖြည့်ဖို့ ဆိုပြီး အပြင်ထွက်ခဲ့ပါတယ်။ ဘယ်မှာ သွားစားရမှန်းမသိခင်မှာ ကားဆရာက မင်းသီဟ မှာသွားစားဖို့ ပြောပါတယ်။ ဒါပေမယ့် ကျနော်နောက်ပိုင်းသိရတာတော့ မန္တလေးမှာ မင်းသီဟ ဆိုင်ကတော်တော်လေးကို နာမည် ကြီးပြီး နေရာအနှံ့ မှာ ဆိုင်ခွဲရှိတယ်တဲ့။ အဲလိုနဲ့  ကျနော်တို့ ဟာ 72 လမ်းက မင်းသီဟဆိုင်ကို ရောက်ခဲ့ပါတယ်။ အဲဒီမှာ နန်းကြီးသုပ် စားလိုက်တယ်ဗျ..အဲ..မ၀တာနဲ့  မုန့် ဟင်းခါးတစ်ပွဲထပ်ဆွဲလိုက်တယ်။ တော်တော်လေးကို စားကောင်းပြီး ဈေးလဲ သက်သာပါတယ်။ ( ကြေငြာပေးတာမဟုတ်ဘူးနော်)
ဗိုက်ဖြည့်ပြီးတော့ မန္တလေးရဲ့ နာမည်ကြီး မဟာမြတ်မုနိဘုရားကို သွားပြီးဖူးပါတယ်။ အ၀င်ဝမှာတော့ ဘုန်းကြီးတွေ အလှုခံနေတာ ကို ကြည်ညိုဖွယ်ရာတွေ့ လိုက်ပါတယ်။
ဒီလိုမြင်ကွင်းတွေကို မတွေ့ ရတာတော်တော်လေးကို ကြာနေတော့် ၀မ်းပမ်းတသာဖြစ်နေမိပါတယ်ဗျာ။
အဲဒါက ၀င်ပေါက်မတိုင်ခင်ဘေးကဖြစ်ပါတယ်။ ခိုလေးတွေက ပျံဝဲနေတာလေးက....အော်...ဒါက မြန်မာနိုင်ငံပါလား ဆိုတဲ့ ခံစားချက်ကို ရရှိစေပါတယ်။
ဒါက အ၀င်ဝမှာပါ။ တော်တော်လေးကို စည်ကားပါတယ်။ မ၀င်ခင်မှာ ဖိနပ်ချွတ်ရပါတယ်။ ဖိနပ်လေးကိုင်လို့  ဘုရားဖူးရတာလေး ကိုက ၀မ်းသာစရာလေးပါဗျာ။
လမ်းလျှောက်သွားတုန်း၊ ဘုရားမရောက်ခင်မှာ လမ်းတစ်လျှောက်တွေ့ ရတဲ့ ဈေးတမ်းလေးပါ။ ပစ္စည်းတွေ တော်တော်လေးကို စုံပါတယ်။ ဘုရား ရုပ်ဘွားတော်၊ ပုတီး၊ ရုပ်ထု ကအစပေါ့လေ၊
အဲလိုနဲ့ လျှောက်သွားလိုက်တာ ရွှေကပ်ဖို့ အတွက် 1200 ပေးပြီးရွှေစက္ကူကိုဝယ်ပါတယ်။ ၀ယ်ပြီးတော့ ဘုရားမှာ ကိုယ်တိုင် ကပ်ခွင့်ရပါတယ်။ အဲလိုကပ်ခွင့်ရတဲ့အတွက် လူဖြစ်ရကျိုးတယ်နပ်ပါလားလို့  ၀မ်းသာနေခဲ့ပါတယ်။ အဲ...မိန်းကလေးတွေ တော့ တက်လို့ မရတဲ့အတွက် ကန့် သတ်ထားသော နေရာမှာသာ ရှိခိုးရပါတယ်။
ရွှေကပ်ပြီးသွားတဲ့အချိန်မှာ အိမ်သာသွားချင်တာနဲ့  လျှောက်သွားလိုက်တော့ လမ်းမှာထိုင်နေတဲ့ သက်ကြီးရွယ်အိုတွေက လမ်းညွန် လိုက်လို့  100 ပေးပြီး ကိစ္စပြီးသွားပါတယ်။ ကိစ္စပြီးသွားတော့ ပြန်လာတဲ့အခါမှာ ကျနော့်ကို လမ်းညွန်လိုက်တဲ့သူတွေက နဲနဲ စွန့် ကြဲပါဆိုတော့ ပေးလိုက်ပါတယ်။ သူတို့ ထိုင်နေတာက 5၊ 6 ယောက်လောက်ရှိပါတယ်။ တစ်ယောက်ကို ပေးတိုင်း ဒီမှာ တစ်ခြားတစ်ယောက်ရှိသေးတယ်လေ ဆိုပြီး ပြောပါတယ်ဗျာ။
ကျနော့်မှာလဲမရှိတော့တာနဲ့  ဒီလိုပဲ ထွက်ခဲ့ရပါတယ်။
ပြန်ရောက်တဲ့အခါမှာ ကျနော့်ဦးလေးက သမိုင်းဖြစ်စဉ်တွေကို ရှင်းပြပါတယ်။ ပုံမှာတွေ့ ရတာက မဟာမြတ်မုနိက ကိုယ်တော်မှာ ရွှေကပ်ပေမယ့်လဲ မျက်နှာတော်က လိုက်လိုက်ကြီးလာတာကို ဖော်ပြထားခြင်းဖြစ်ပါတယ်။ ဒီကိစ္စကို စိတ်ရှည်ရှည်နဲ့  ရှင်းပြတဲ့ ဦးနိုင်ကို တော်တော်ကျေးဇူးတင်ကြောင်းဒီကနေ ပြောချင်ပါတယ်ဗျာ။
ဘုရားဖူးပြီးတာနဲ့ ကျနော်လဲ မိမိတည်းခိုရာကို ပြန်လာတာပေါ့လေ။ အဲ..လမ်းမှာ ကွမ်းယာဆိုင်တွေ့ တာနဲ့  ကွမ်းယာလေးဝါး လိုက်ပါတယ်။ တော်တော်လေးကို စားလို့ ကောင်းပါတယ်ဗျာ။ ကွမ်းယာလေးစားပြီး အခွေဆိုင်ဝင်လိုက်တော့ သူတို့ မှာ နိုင်ငံခြားဖြစ် မြန်မာစာတန်းထိုးခွေတွေကိုတွေ့ လို့ ဝယ်လိုက်ပါသေးတယ်။ တစ်ခွေမှ 400 ကျပ်ပါ။
ကျနော်ကြားဖူးတဲ့ သီချင်းတွေအရ မန္တလေးသူတွေက ခြေတုတ်တယ်လို့ ကြားဖူးပါတယ်။ ဒါပေမယ့် ကျနော်ပဲမတွေ့ လို့  လားမသိဘူး အားလုံးက ပုံမှန်ပါပဲ။ တုတ်ချင်လဲတုတ်မှာပေါ့လေ....ဘယ်သူသိနိုင်မလဲလို့  ကျနော်က ကိုရင်တို့ ၊ ဘုန်းကြီး တို့ ကိုပဲကြည့်နေလို့ ဖြစ်မယ်။
မန္တလေးမှာ နားပြီးတဲ့အချိန်မှာ ကျနော်ဟာ ကသာကိုသွားဖို့ အတွက် နဘား ဘူတာကို ရထားနဲ့ ဆက်ပြီးထွက်ခဲ့ပါတယ်။
ရှမ်းကလေး (ဆက်ဖော်ပြပါမည်)
RSS Feed (xml)
