ဒီကစောင့်နေသူ

အလှည့်ကြ ပေးတဲ့ရေကို တန်းစီပြီးခပ်ပြီးသွားတဲ့အချိန်မှာ ရေပုံးတွေကို သိမ်းလိုက်တယ်။ ပြီးတော့ မနက်စာဖြစ်တဲ့ ထမင်းကြော်နဲ့  အကြော် တစ်ခုကို လျင်မြန်စွာစား... ပန်းကန်ဆေးပြီးတာနှင့် အပေါ်ထပ်ကိုတက်ကာ ကျောင်းစိမ်းလဲဝတ်လိုက်သည်။

ပြီးလျှင် လိုသည်ထင်သောစာအုပ်များကို လွယ်အိတ်ထဲထိုးထည့်ကာ.. ကျောင်းသို့ သုတ်ခြေတင်ရန် ပြင်ဆင်ခိုက်.. အဒေါ်က

"မျက်နှာ ဒီလောက် အဆီတွေပျံနေတာ.. သနပ်ခါးလေး.. ပါလေး လိမ်းသွားအုန်းလေ."

“ရပြီ မလိမ်းတော့ဘူး.. ဘယ်သူမှလဲကြည့်မှာ မဟုတ်ဘူး”

ဆိုကာ ကျောင်းသို့ ထွက်လာခဲ့သည်။ ကျောင်းနဲ့  အိမ်က ၂၀-၂၅ မိနစ်လောက် လျှောက်ရတယ်။ ဒီနေ့ က ကျောင်းစဖွင့်တဲ့နေ့ ။ ကျနော်ကအခုဆို ရင်ဆယ်တန်းရောက်ပြီ။

ငယ်ငယ်တုန်းကဆိုရင် “ဆယ်တန်း ” ဆိုတာကို ကြားတာနဲ့  လန့် သလိုလိုဖြစ်နေတာ။ ဖြစ်လဲ ဖြစ်စရာပဲလေ.. ဆယ်တန်း ကျတို့ ၊ ဆယ်တန်းစာက ခက်လိုက်တာတို့ က နားမဆန့် အောင် ကြားနေရတာကိုး။

“သူက ဆယ်တန်းကို မိန်းမရပြီးတော့မှ အောင်တာ၊ သူ့ သမီးနဲ့  သူက ဆယ်တန်းအတူတူအောင်တာလေ” ဆိုတာတွေကို ကြားရတဲ့အချိန်မှာ ဆိုရင်.. ဆယ်တန်းအောင် အောင် ကိုယ်ကပဲ မိန်းမယူရမလိုလို၊ ကလေးပဲ ကောက်မွေးရမလိုလိုဖြစ်နေတာ။

အတွေးစကို ဖြတ်ကာ ကိုယ်ကျမည့်အခန်းကို လိုက်ရှာလိုက်သည်။ တွေ့ ပြီ.. ကျနော့်နာမည်.. အော်.. “အေ” အခန်းကိုး။ “အင်း ဘီ အတန်းပြောင်းရင်ကောင်းမလားမသိ” ၀င်လာတဲ့အတွေး...

ထိုအချိန်တွင် သူငယ်ချင်းများရောက်လာကာ .. “ဟေ့.. စိုင်းစိုင်း၊ မင်းဘယ်အခန်းလဲကွ?”

“အေ အခန်းရတယ်”

“ ဟာ.. အတော်ပဲပေါ့ဒါဆို.. ငါတို့ သူငယ်ချင်းတွေ အားလုံး အေ အခန်းအတူအတူ ကျတာပေါ့ကွာ”

“မင်းအခန်းပြောင်းမှာလား? ”

“ ကိုးတန်းတုန်းက ပြောင်းပြီးပြီပဲကွာ.. ဒီတစ်ခါတော့ မပြောင်းတော့ပါဘူး။ အဲဒီ အခန်းမှာပဲ နေရအောင်ကွာ”

သူငယ်ချင်းများ၏ တိုက်သွန်းချက်နှင့် အတူ.. ကျနော်တို့ လဲ အခန်းကို ချီတက်လာလိုက်သည်။ နေရာရွေးမယ်လုပ်တော့ ခုံတိုင်း လိုလိုက ပြည့်နေပြီ။ အထူးသဖြင့် အရှေ့ ကခုံတွေပေါ့။ ကျနော်က အရှေ့ မှာ ထိုင်ရတာကို ငယ်စဉ်ကတည်းက မကြိုက်တော့ သုံးခုံမြောက သို့ သွားကာ.. ထိုင်လိုက်သည်။

ထိုနေရာတွင် ကျနော်မသိသော ကျောင်းသားတစ်ယောက်က ပြတင်းပေါက်နှင့် ကပ်ရက်နေရာယူထား၏။ ကျနော်လဲ ခပ်တည်တည်ဖြင့်ပင် ..

“သူငယ်ချင်း နေရာလဲမလား?” သူ့ နာမည်က စိုင်းလုံ..နောက်မှသိတာပါ။

“ဘာလို့ လဲ?”

“ငါ ကဘယ်တန်လေ.. ငါဒီဖက်မှာထိုင်ရင်... စာရေးတဲ့အခါမှာ မင်းနဲ့ ငါတိုက်မိနေမှာပေါ့”

သူအနည်းငယ် စဉ်းစားကာ.. “ရတယ်လေ”

သို့ နှင့် ကျနော်လဲ ပြတင်းပေါက်ကပ်ရက်နေရာရသွား၏။ တစ်ခုံလျှင်နှစ်ယောက်နှုန်းဖြင့်ထိုင်ရသည်။ ကျနော်တို့ အခန်းတွင် ထိုင်ခုံ အတန်းပေါင်း လေးတန်းရှိပြီး၊ တစ်တန်းလျှင် ၉ ခုံလောက်ရှိသည်။ မိန်းကလေးက သုံးတန်းလုံးလုံးကို နေရာယူထားပြီး ယောင်္ကျားလေးများကတော့ တစ်တန်းနှင့် နှစ်ခုံသာရှိ၏။ ပြောမည်ဆိုလျှင် မိန်းကလေးက ယောင်္ကျားလေးထက် နှစ်ဆလောက် များနေလေသည်။

သို့ နှင့် ကျောင်းတက်လာသည်မှာ.. တစ်လကျော်ကျော်ရှိလာသဖြင့် အတန်းအတွင်းမှ သူငယ်ချင်းတော်တော်များနှင့် ရင်းနှီးလာသည်။ ထိုအထဲတွင်မှာ ချောမောတဲ့ ကောင်မလေးတစ်ယောက်ကို ကျနော်သတိထားမိသည်။

သူက ချစ်စရာလေးပါ။ ဆံပင်က ခါးထိရှည်ပြီးတော့ သူရယ်လိုက်တိုင်း.. သွားတက်လေးတွေပေါ်လာသလို ကျော့ရှင်းတဲ့ ခန္ဒာကိုယ်ကိုပိုင်ဆိုင်တဲ့ သူပါ။ သူ့ နာမည်က “နံ့ သာ” တဲ့။ နာမည်နဲ့  လူတော့ အလိုက်သားလို့  တွေးမိပါသေးတယ်။

စာသင်ခန်းတစ်ခန်းထဲမှာပဲရှိပေမယ့် သူနဲ့ က စကားမပြောဖြစ်ပါဘူး။ နောက်ပိုင်းမှာ ကိုယ်မနိုင်တဲ့ အတန်းတွေကို ကျူရှင် ယူတဲ့အခါမှာ..သူ နဲ့ ၊ ကျနော် တစ်ချိန်ထဲမှာပါပဲ။ အစပိုင်းကတော့ စကားမပြောရဲဘူး။ ဘာဖြစ်လို့ လဲတော့မသိဘူး။ ပြောရမှာ ရှက်သလိုလို၊ ဘာလိုလို ခံစားရတယ်လေ။

သို့ နှင့် ...

ခုတော့ ကျူရှင်တက်လာတာ ၈ လလောက်ရှိနေပြီဆိုတော့ သူမ နဲ့  စတာ၊ နောက်တာတွေ၊ ကျနော်လုပ်ခွင့်ရလာပါတယ်။ ကျနော်သူ့ ကို နောက်လိုက်တိုင်း.. “နင်နော်..တော်တော်နောက်တာပဲ” ဆိုပြီး သူမက ကျနော့်ကို ပြန်ပြောတတ်ပါတယ်။

အဲလိုနဲ့ တစ်နေ့ မှာတော့ ..အားလပ်ချိန်အတွင်းမှာ.. ကျနော့်နောက်ဘက်မှာ ထိုင်နေတဲ့ သူငယ်ချင်းက.. ကျနော့်နားလာထိုင်ပြီး

“စိုင်းစိုင်း..ငါ့ကို တစ်ခု ကူညီပါလား?”

“ပိုက်ဆံချေးဖို့ တော့မရှိဘူး... ဆောရီးပဲ သူငယ်ချင်း”

“မင်းကလဲ လူကို မြင်ရင်.. ပိုက်ဆံချေးမယ်လို့ ပဲ ထင်နေတာလား.? ပိုက်ဆံချေးဖို့ မဟုတ်ဘူး.. တခြားဟာကွ”

“ကဲပြောပါဗျာ.. မင်းရဲ့ တခြားဟာကဘာလဲ?”

“မင်းငါ့ကို ရည်းစားစာရေးပေးပါလား?”

ဗုဒ္ဓေါ.. ဟုစိတ်တွင်းတ ကာ.. ကိုယ့်ဘ၀ကို ပြန်၍စီစိမိတဲ့ကျနော့်ဘ၀.. ဟုတ်တယ်လေ.. ရည်းစားစာ ရေးခိုင်းရအောင် ကိုယ်ကပဲ အမြဲရေးနေတဲ့လူလိုလို.. ကောင်မလေးတွေနဲ့  အားအားယားယားသွားနေတဲ့လူလိုလို.. သူလုပ်ပုံက..

“နေပါအုန်းကွ.. ငါ့မှာတောင် ရည်းစားမရှိတာ... မင်းကို ငါက ဘယ်လိုလုပ်ရည်းစားစာရေးပေးရမှာလဲ?”

“မင်းကြိုက်သလိုရေးကွာ.. ဘယ်လိုပဲဖြစ်ဖြစ် .. အဆင်ပြေပါတယ်”

အော်.. သူ့ အတွက်တော့ အဆင်ပြေမပေါ့. သူက ပြန်ကူးယုံပဲဟာ။ ကျနော့်မှာတော့ စိတ်ညစ်သွားတယ်လေ။ ရည်းစားရှာလို့  တောင်မရတဲ့သူကိုမှ........သူက ရည်းစားစာလာရေးခိုင်းနေတယ်။ လူပျိုစာရင်းထဲဝင်သွားချင်တယ်ထင်ပါ့.။

“နေပါအုန်းကွ.. မင်းက ဘာစိတ်ကူးပေါက်လို့ ငါ့ကို လာရေးခိုင်းတာလဲ?”

“မင်းက စာရတယ်လေကွာ”

“ဟာ............”

ရှင်းလိုက်တဲ့ အကြောင်းပြချက်.. စာရတာက စာကျက်လို့ ပဲဟာ။ ရည်းစားစာနဲ့  လုံးလုံးဆို.. လုံးဝကို မဆိုင်။ ဆက်ပြောနေလျှင် ဆက်ရှည်ကာ စိတ်ပိုညစ်မှာကို မလိုလားတော့ကျနော်လဲ..

“အေး..အေး.. ငါရေးပေးပါ့မယ်ကွာ.. ဒါနဲ့ ဘယ်သူ့ ကို ပေးဖို့ လဲ?”

“နံ့ သာ.........ကိုလေကွာ”

ပါးစပ်ဟောင်းလင်းနှင့် ကျနော်။ ကတိပေးထားပြန်လေတော့ ပိုစိတ်ညစ်သွားသည်။ ကိုယ်ကြိုက်တဲ့ ကောင်မလေးအား ရည်းစားစာရေးပေးရမည်.. ကိုယ့်အတွက်တော့မဟုတ်.. သူများအကျိုးဆောင်.။

ဆက်မစဉ်းစားနေတော့.. စိတ်ညစ်ညစ်နှင့်သာ.. တစ်မျက်နှာစာရှိသော ရည်းစားစာကို ရေးပေးလိုက်သည်။ ကျနော့်ကို အရမ်းယုံသော သူငယ်ချင်းကလဲ တစ်လုံးမကျန်ပြန်ကူးကာ သူ့ လက်မှတ်ကိုထိုးပြီး ကျနော့်ကို လာပေးသည်။

“ဘာလဲကွ.. ?”

“ မင်းကို စာပေးခိုင်းမလို့ ”

“မင်းဟာက မဟုတ်တော့ဘူးထင်တယ်.. စာလဲရေးပေးရတယ်။ ပြီးရင်.. ငါကိုယ်တိုင်က ပြန်ပေးရအုန်းမယ်?”

“အေးလေ ပို့ ချင်းပို့ ....ဟိုဖက်ကမ်းကို ရောက်အောင်ပို့ ပေါ့ကွ”

ဒီစကားပုံကို ဘယ်သူကများထွင်လိုက်သည်မသိ။ ကျနော်ကတော့ ခံလိုက်ရသည်။ သို့ နှင့် ကျနော်လဲ သူများအတွက်ရေးပေးထား သောရည်းစားစာကို ကိုယ်ကြိုက်သော ကောင်မလေးကို ပေးရန်အတွက်၊ သူထိုင်သော ထိုင်ခုံသို့ လှမ်းသွားကာ။

”နံ့ သာ”

“ဘာ ကိတ်?”

“ရော့ နင့်အတွက် စာ”

“ဘာစာလဲ ရည်းစားစာလား?”

သူမမျက်နှာလေး နည်းနည်းနီသွားသည်ကိုတော့ ကျနော်တွေ့ လိုက်သလိုလို။ ဒါပေမယ့် ကိုယ့်စာမှ အဲ.. ကိုယ်ရေးတဲ့စာတော့ ဟုတ်တယ်လေ။ ဒါပေမယ့် ကိုယ့်အတွက် မဟုတ်လေတော့ မသိကျိုးကျွန်ပြုကာ..

“ဟုတ်တယ်”

သူမက လက်လှမ်းလာပြီးနောက်၊ ခပ်ရှက်ရှက်ဖြင့်..

“နင့် စာလား?”

“မဟုတ်ဘူး”

သူမ မျက်နှာ ခပ်တည်တည်ပြန်ဖြစ်ကာ ..

“ဘယ်သူ့ စာလဲ?”

“ငါထွန်းက ပေးခိုင်းလိုက်တာ”

“နင်ရေးပေးတာလား?”

သူများအကျိုးမယုတ်အောင် လိမ်ပြောခြင်းသည်.. လိမ်ညာသည်ခြင်း မမှတ်ဆိုသော အတွေးကိုပိုက်ကာ ကျနော်လဲ.

“မဟုတ်ပါဘူး”

“ဒါဆို ငါ့ကို ဖတ်ပြပါလား?”

ကိုယ်ရေးပေးသော ရည်းစားစာကို ပြန်ဖတ်ပြရအုန်းမယ်... အော်.... ဘယ်ဘ၀က ၀ဠ်ကြွေးများလဲနော်..

“ဟ.. ငါ..အဲလိုလုပ်ရင် ငါထွန်း.. ရှက်သွားမှာပေါ့။ နင့်ဖါသာနင်ပဲဖတ်”

“ဒါဆို.. ငါဖတ်မယ်.. နင်ဒီမှာ ခဏစောင့်”

“ဘာလုပ်မလို့ လဲ?”

“ခဏလေးပါဟယ်”

“အေးပါ..အေးပါ”

သူမစာကို ဖတ်ပြီးသော အချိန်တွင် ကျနော့်ကို ပြန်ပေးကာ..

“နင်..ဖတ်ကြည့်ပါလား?”

“မဖတ်ချင်ပါဘူး... သူများ..ရည်းစားစာ”

“ဒါဆို... သူ့ ကို ပြန်ပေးလိုက်”

“နင့်အဖြေက?”

“မကြိုက်ဘူး”

“ဒါပဲ?”

“အေးဟုတ်တယ်.. ”

ကြားကနေ ကိုယ်က အဟောက်ခံနေရပါလား။ ကျနော်လဲ သူငယ်ချင်းဆီပြန်သွားကာ..

“ရော့.. သူပြန်ပေးလိုက်တယ်”

“ သူဘာပြန်ပြောသေးလဲကွ?”

“ဘာမှ.. မပြောဘူးဟေ့.. မင်းဒီလောက်သိချင်ရင် မင်းဘာသာ မင်းသွားမေးပါလားကွာ”

“ဟာ... မင်းကလဲ စိတ်ကြီးပဲ.. ခုချိန်ကစပြီး ငါ့ဖာသာ ငါလုပ်ရှားတော့မယ်.. ကျေးဇူး သူငယ်ချင်း”

“အေးပါ..အေးပါ...မင်းပေါ်မှာ ရှိတဲ့ ငါ့ ၀ဠ်ကြွေးတွေ ခုချိန်က စပြီး.. အားလုံးကုန်ပါစေလို့  ငါဆုတောင်းလိုက်အုန်းမယ်”

“မင်းကလဲ အချင်းချင်းတွေပဲကွာ”

“ဟုတ်ကဲ့ပါ... ကြွပါတော့ ဆရာရယ်.. ဟိုမှာ ဆရာမလာတော့မယ်”

နောက်ပိုင်းတွင် စာမေးပွဲနီးလာသဖြင့် ကျနော်လဲ နံ့ သာ နှင့် သိပ်စကားမပြောဖြစ်တော့ပါ။ ကျနော်သိတာကတော့ ထွန်းထွန်း အငြင်းခံလိုက်သည်ဆိုတာကိုပင်.။

ဆယ်တန်းက လူငယ်တွေအတွက် အရေးအကြီးဆုံး.. ဆယ်တန်းအောင်မှသာ ကိုယ်တက်ချင်သော တက္ကသိုလ်ကိုတက် ကိုယ်လုပ်ချင်သော အလုပ်ကို လုပ်နိုင်မည်။ ဆယ်တန်းမအောင်လျှင် ဆယ်နှစ်ကျော်ကျော် စာသင်ခန်းနေခဲ့သော အချိန်အားလုံး အလကားဖြစ်ကုန်မည်။

သို့ နှင့် ဆယ်တန်းဖြေပြီ..

တခြားကျောင်းကလဲ ကျနော်တို့ ကျောင်းတွင်လာဖြေသဖြင့်.. တော်တော်လေးကို ရှုပ်ထွေးနေသည်။ နံ့ သာကိုတော့ မတွေ့ ပါ။ ကျနော်လဲ စာမေးပွဲခန်းတွင်းမ၀င်မည်.. စာကိုသာ အာရုံစူးစိုက်နေမိသည်။

သို့ နှင့် စာမေးပွဲပြီးသွားသော အခါ..

တစ်နေ့ ၌ ကျနော်သည် အလုပ်တစ်ခုဖြင့် မြို့ တွင်းရောက်ခိုက် ..တိုက်တိုက်ဆိုင်ဆိုင် နံ့ သာနှင့် သွားတွေ့ လေသည်။ သူမက ပြုံးပြပြီးတော့...

“ဘာလုပ်?”

“ကိစ္စရှိလို့ လာတာ။ ဘာလုပ်နေလဲ?”

“အဖေ့အတွက် မုန့် လာဝယ်ပေးတာလေ”

“မနက်ဖြန်လာအုန်းမလား.?”

“နင်က ဘာလုပ်မလို့ လဲ?”

“ငါ နင့်ကို ပေးစရာရှိလို့ ”

“အင်း....မသေချာဘူးဟ.. အားရင်တော့လာခဲ့မယ်”

“ဟာ..နင်ကလဲလာပါ.. အရေးကြီးလို့ ပါ”

“အမလေး.. ဘာများဒီလောက် အရေးကြီးနေတာလဲ?”

“နင်လာရင်သိမှာပေါ့ဟ”

“အေးပါ..အေးပါ.. ကိုယ်တော်ရဲ့ .. လာခဲ့ပါ့မယ်”

သို့ နှင့် ကျနော်လဲ အိမ်ပြန်ကာ.. စာအုပ်နှင့် ဘောပင်ကိုထုတ်..ပြီး.. သူမနှင့် စတင်တွေ့ ရှိချိန်ကစပြီး ကျနော်ခံစားရသည်များကို သမုဒ္ဒရာအားလုံးပေါင်းကာ မှင်လုပ်၍် ရေးလျှင်ပင် သမုဒ္ဒရာသာခန်းသွားပြီး.. ရေးလို့ ကုန်မည်မဟုတ်သော ခံစားချက်များကို ရေးကာစာအိတ်တွင်းထည့်.. ခေါင်းအုန်းအောက်တွင်ထားကာ.. အိပ်မပျော်နိုင်စွာဖြင့် ... မနက်ဖြန်ဆိုတော့နေ့ ကို စောင့်စားလျှက်...

ကျနော်လဲ.. စိတ်ရှည်ရှည်ဖြင့် သူမလာမည့်အချိန်ကို ရပ်စောင့်နေလိုက်သည်။ ဟော.. လာပါပြီ.. ကျနော့်ရဲ့  အိမ်မက်နတ်သမီး။ သူမ ကျနော့်အနားကို လာကာ..

“ကဲပြောပါ ..ပေးပါရှင်.. ရှင့်ရဲ့ အရမ်းအရေးကြီးတယ်ဆိုတဲ့ဟာ”

ကျနော်လဲ.. အိတ်ကပ်တွင်းထည့်ထားသော စာအိတ်ကိုထုတ်ကာ.. သူမကို ကမ်းပေးလိုက်သည်တွင်..

“ဒီတစ်ခါတော့ .. နင့်စာပေါ့?”

“အင်း..ဟုတ်တယ်.”

“ငါ အခုဖတ်ရမလား?”

“ဟာ...နင်ကလဲ အိမ်ရောက်မှ အေးအေးဆေးဆေးဖတ်လို့ ရပါတယ်။”

“ပြီးတာပဲ.. ငါ..ပြန်ရတော့မယ်ဟ..”

“ဘာဖြစ်လို့ လဲ?”

“ငါ့အိမ်က မသိအောင်လစ်ထွက်လာတာ.. အခု.. အိမ်မှာတော်တော်လေး အလုပ်ရှုပ်နေတယ်လေ”

“ဘာဖြစ်လို့ လဲ?”

“မသိပါဘူးဟာ.. ကဲသွားတော့မယ်.. နင့်စာအတွက် ကျေးဇူးပဲနော် စိုင်းစိုင်း”

“ဟာ...ရပါတယ်.. နင်သေသေချာချာဖတ်နော်”

“သိတယ်.. ဆရာ..မလုပ်နဲ့ ” ဟုချစ်စရာလေးပြောက သူမထွက်ခွါသွားလေသည်။

နောက်ပိုင်းရက်များတွင်.. သူမများ ကိတ်မှန့် ဆိုင်လာမလားဆိုသော အတွေးဖြင့်၊ ဆိုင်တွင်လာစောင့်နေမိသည်။ သို့ နှင့် ရက်မှ လသို့  ပြောင်းကာ.. သူမကို မတွေ့ မိပါ။

အော်..ငါးလဆိုတဲ့ အချိန်ကြီးက ကျော်သွားပြီပေါ့။ သူမများ ကျနော့်ကို မကြိုက်လို့  မလာတာပဲ ဖြစ်မယ်ဟု.. စဉ်းစားကာ စိတ်ညစ်နေသည့် ကျနော်သည်၊ အိမ်ရှေ့ ကုလားထိုင်တွင်ထိုင်ရင်း.. ဟိုတွေး..ဒီတွေးလုပ်နေခိုက်.. သူငယ်ချင်းများရောက်လာကာ..

“ဟာ.. စိုင်းစိုင်း.. ဘယ်လိုဖြစ်တာလဲကွ.. ကြက်ထိုင်ထိုင်ပြီး လဒ မိုင်မိုင်နေပါလား”

အော် ရစရာ မရှိအောင်ပြောတတ်တဲ့ အရင်းနှီးဆုံးသူငယ်ချင်းတွေ...

“မင်းတို့ ကကော ဘာကိစ္စရှိလို့  ငါ့အိမ်ရောက်လာတာလဲ?”

“ရေပူစမ်းသွားရအောင် အဖော်လာညိတာ။ မင်းလဲ ပျင်းနေတယ်မဟုတ်လား.. ငါတို့ နဲ့ လိုက်ခဲ့ကွာ.. ကဲထထ”

ပါးစပ်လဲပြော လက်လဲရောက်တဲ့ သူငယ်ချင်းတွေများ... တစ်ချို့ ကတော့ အဘွားကို သွားပြီးကျနော့်အတွက် ခွင့်သွားပန်လေရဲ့ ။ နောက်ဆုံးတော့ ကျနော်လဲ သူတို့ နဲ့  ပါသွားတယ်လေ။

ရေပူစမ်းရောက်တော့ သူငယ်ချင်းတွေက ကြက်ဥ၀ယ်ကာ.. ကျနော့်ကို သွားပြုတ်ခိုင်းသည်။ သူတို့ က တခြားသောက် စရာတွေ သွားရှာလေရဲ့ ။

ကျနော်လဲ ကြည်ဥထည့်ထားသော ဆွဲခြင်းကို ကိုင်ကာ.. ဗွက်ဗွက်ဆူနေသော အိုင်ထဲသို့  ကြက်ဥပြုတ်ရန်ထည့်နေစဉ်.. နံ့ သာရဲ့  အရင်းနှီးဆုံး သူငယ်ချင်း ဥမ္မာနှင့် တိုက်တိုက်ဆိုင်ဆိုင်တွေ့ မိလေသည်။ ကျနော့်ကို တွေ့ သည်နှင့် သူမလဲ..

“ဟဲ့ စိုင်းစိုင်း နေကောင်းလား?”

“မကောင်းဘူးဟေ့.. ဒါကြောင့် ရေပူစမ်းမှာ အခွံလာချွှတ်တာ”

“ဟားဟား... နင်ကတော့ အရင်လိုပဲ နောက်တတ်နေတာကိုး”

“နင်တစ်ယောက်တည်းလား?”

“မဟုတ်ပါဘူးဟယ်... ငါ့မိသားစုနဲ့  သူငယ်ချင်းတွေလဲပါတယ်”

သူမ.. အဖြေကြောင့်ကျနော်လဲ အားတက်စွာဖြင့်...

“ဒါဆို.. နံ့ သာလဲ ပါလာတာပေါ့?”

“ဟာ... နင်မသိဘူးလား.. နံ့ သာက တခြားမြို့ ကို ပြောင်းသွားတာ ငါးလလောက်တောင်ရှိနေပြီ”

ကျနော်လဲ အံ့သြစွဖြင့်....

“ဟုတ်လား? ဘယ်ကိုလဲ?”

“ငါလဲ မသိဘူး.. သူ့ အဖေလာခေါ်သွားတာ.. တစ်မိသားစုလုံးပြောင်းသွားတာဟ”

“သူမသွားခင်.. နင်သူနဲ့ တွေ့ လိုက်သေးလား?”

“အေးသူမသွားခင်.. တစ်ရက်က ငါသူ့ ဆီသွားလည်သေးတယ်”

“ နံ့ သာ.. ဘာပြောသွားသေးလဲ?”

“အင်း..သူပြောတာကတော့ .. သူဒီမှာနေရတာပျော်တယ်တဲ့.. အမှန်တော့ သူမပြောင်းချင်ဘူးတဲ့.. ဒါပေမယ့် မပြောင်းလို့ မရဘူး ဖြစ်နေတယ်တဲ့”

“ဒါပဲလား?”

“နေပါအုန်း.. နင်ကဘာသိချင်လို့ လဲ? အော်.. နင်က.. နင်နဲ့  ပတ်သတ်ပြီးဘာပြောလဲဆိုတာကို သိချင်နေတယ်ပေါ့?”

“ဟာ..အဲလို မဟုတ်ပါဘူးကွာ”

“အမယ်..အမယ်.. ရှက်နေတယ်ပေါ့လေ.. နင့်မျက်နှာနဲ့ မလိုက်ပါဘူးကွာ”

အော်.. ကိုယ့်ကို ချွှတ်မယ့်သူတွေချည်းတိုးနေပါလားနော်...

“အေး..စိုင်းစိုင်း”

“ဘာလဲ?”

“ငါ..သိတာ တစ်ခုပြောရမယ်ဆိုရင်..”

“ပြောမှာတာ ပြောစမ်းပါကွာ.. နင်ကလဲ ပဲကိုများနေလိုက်တာ”

“ငါ..မပြောပဲနေလိုက်မယ်နော်”

“အဲ... အဲလိုတော့မလုပ်ပါနဲ့  ဥမ္မာရယ်”

သူမလဲ မျက်နှာခပ်တည်တည်လုပ်ကာ...အပြုံးမဲ့၍ ခံစားနေသော မျက်နှာဖြင့်..

“သူ.. တော်တော်လေးစောင့်လိုက်ရတယ်.. မသွားခင်မှ သူရသွားတယ်။ သူတော်တော်လေး ပျော်သွားတယ်..”

“ဟာ.. ဘာလဲဟ.. နင့်စကားက”

“နင့်ဖာသာ .. နင်စဉ်းစားပေတော့.. ငါသွားတော့မယ်.. ငါ့သူငယ်ချင်းတွေခေါ်နေပြီ”

ဆိုကာ.. ဥမ္မာထွက်သွားလေသည်။ ကျနော်ကတော့ ဦးနှောက်ကို လှည့်ပတ်ကာ သူမပြောသောစကားကို အဓိပ္ပါယ်ဖော်ရင်း....



ကြင်ခွင့်မရပဲ ချစ်ခွင့်ပဲရှိမယ်ဆိုရင်
မင်းကိုတစ်သက်လုံးသာ ငါ့ရင်ထဲမှာ
သိမ်းထားပြီး တိုင်းမရတဲ့
အချစ်များနဲ့  ရစ်ပိုင်းထားမယ်
ချစ်ခဲ့ရတဲ့ နံ့ သာလေးရယ်။


ရှမ်းကလေး

ခြွင်းချက်လေး...........

ဇနီးဆုံးသွားသဖြင့် စိတ်ဆင်းရဲနေသော ယောင်္ကျားဖြစ်သူအား အခေါင်းလုပ်သူများက

အလုပ်သမား။ ။ "ဆရာရယ်သွားတဲ့သူက သွားပြီပဲ။ စိတ်ဆင်းရဲမနေပါနဲ့ ။"

ယောင်္ကျား။ ။ "အေးပါကွယ်။ ကျေးဇူးတင်ပါတယ်။ ဒါနဲ့  ဘာကိစ္စလဲကွယ်?"

အလုပ်သမား။ ။" ဆရာက သဘာဝပတ်ဝန်းကျင်ကို ထိန်းသိမ်းတဲ့သူဆိုတော့ အခေါင်းကို မြန်မြန်ကြေမွစေမယ့် စက္ကူနဲ့ လုပ်မလား?၊ ဒါမှ မဟုတ် မြန်မြန်ကြေမွစေမယ့် သုံးပြီးသား သစ်သားတွေနဲ့ လုပ်မလား? ဆရာ"

ယောင်္ကျား။ ။ " ကျနော်က သဘာဝ ပတ်ဝန်းကျင်ကို ထိန်းသိမ်းတာတော့ မှန်ပါတယ်ဗျာ။ ဒါပေမယ့် ကျနော့်မှာလဲ တစ်ခါတစ်လေ ခြွင်းချက်လေးတွေ ထားတတ်ပါတယ်။ "

အလုပ်သမား။ ။ "ဟုတ်ကဲ့ ဆရာ။ ပြောသာပြောပါ.."

ယောင်္ကျား။ ။ " အေး.. ငါ့ဇနီး အခေါင်းကိုတော့.. အလွန့် အလွန်လေးပြီး.. အထဲမှာ အလုပ်သမားရှိတာတောင် မထွက်နိုင်၊ အသက်မရှူနိုင်တဲ့အခေါင်းလုပ်ပေးပါ။ "

အလုပ်သမား။ ။ " ဟုတ်ကဲ့.. ရပါတယ်"

ယောင်္ကျား။ ။ " အေးပြီးတော့ .... မြေချ ပြီးရင်လဲ အပေါ်ကနေ.. ကွန်ကရစ် သုံး၊ လေး၊ ငါးထပ် ပြန်ခင်း၊ ပြီးမှ မြေဖို့ ။ အဲဒါမှပဲ တစ်ယောက်ယောက်က ပြန်ထလာနိုင်တယ် ဆိုတဲ့ အတွေးတွေမရှိပဲ၊ တစ်ခုလပ် ဘ၀ကြီးကို ပျော်ပျော်ကြီးခံစားသွားရမှာ။ "



ရှမ်းကလေး

အော်.. ဟုတ်လား.. ဘယ်သူလဲကွာ ?

ဆေးရုံတစ်ခုအတွင်း၌..

ဇနီး။ ။ ခွဲစိတ်ခန်းမှ ထွက်လာသော ယောင်္ကျားဖြစ်သူအား ‘ရှင် ပြန်သတိရလာတာကို အရမ်းဝမ်းသာတာပဲ။ ရှင်မှတ်မိရဲ့ လား ? ရှင်လှေကားပေါ်ကျပြီးတော့ ခေါင်းနဲ့ ကြမ်းပြင်ရိုက်မိတယ်လေ။ အဲဒါနဲ့  ဓါတ်မံရိုက်ကြည့်တော့ ရှင့်ဦးနှောက်ထဲ သွေးခဲနေတာကို တွေ့့တာနဲ့  ခွဲစိတ်ကုသလိုက်တာ။

ယောင်္ကျား။ ။ အင်း... ဟုတ်လား?

ဇနီး။ ။ ဟုတ်တယ်။ အဲဒါနဲ့ ခွဲစိတ်တုန်းမှာ ဆရာဝန်က မှားပြီးတော့ ရှင့်ရဲ့ ဦးနှောက်ကို သွားထိမိတယ်တဲ့။ ဒါပေမယ့် ဦးနှောက်ကို အပ်ဖျား လောက်ပဲ ခိုက်မိတဲ့အတွက်သိပ်မစိုးရိမ်ရဘူးတဲ့။

ယောင်္ကျား။ ။ အော်... အင်း...ဆိုတော့...

ဇနီး။ ။ အဲလို ထိခိုက်မိတဲ့အတွက်.. ရှင့်ရဲ့ အရေးမကြီးတဲ့ တစ်ချို့ မှတ်ဥာဏ်၊ မေ့ရအလွယ်ဆုံး.. ဥပမာအားဖြင့်... မတွေ့ ရတာကြာပြီ ဖြစ်တဲ့သူငယ်ချင်းတွေ၊ အလုပ်က နုတ်ထွက်သွားတာ ကြာပြီဖြစ်တဲ့ အိမ်ဖော်တွေ ကို ရှင်မမှတ်မိပဲဖြစ်လိမ့်မယ်တဲ့


ယောင်္ကျား။ ။ မျက်မှောင်ကျုံ့ ကာ... "ဟိုမ်း... ကျနော်အားလုံးကို မှတ်မိတယ်ဗျ.. သူငယ်ချင်းတွေ၊ ဆွေမျိုးတွေ၊ အလုပ်က လူတွေအားလုံး လိုလိုကို သိတယ်။ ဒါပေမယ့် .. ကျနော် ဘယ်လောက်ပဲ စဉ်းစား၊ စဉ်းစား၊ ခင်ဗျားဘယ်သူဆိုတာကို စဉ်းစားလို့ မရဘူးဖြစ်နေတယ်ဗျာ။"


ရှမ်းကလေး

ခရီးသွားမှတ်တမ်း = မြဘုရား

ပျက်အစဉ် ပြင်ခဏ ဆိုတဲ့ စကားကိုတော့ ကြားမိတယ်ဗျာ။ ဒါပေမယ့် ကျနော့် ကွန်ပြူတာက ခဏခဏ ပျက်နေပြီး အစဉ်လို လို ပြင်နေရတော့ တင်မယ်ဆိုပြီး လုပ်ထားတဲ့စာ တွေကို မတင်ဖြစ်နဲ့ ၊ ဒီနေ့  ကွန်ပြူတာ ပြန်ရတာနဲ့  ပြန်တင်လိုက်ပါတယ်။

ဗုဒ္ဒဘာသာပဲ ဖြစ်ဖြစ်၊ တခြားဘာသာကို ကိုးကွယ်တဲ့ သူပဲ ဖြစ်ဖြစ်၊ ဘန်ကောက်ကိုရောက်ရင်တော့ မြဘုရားကို သွားဖူးကြပါတယ်။ အဲဒါမှပဲ ဘန်ကောက်ကို ရောက်သလို ဖြစ်တယ်လေ။ ဒါကြောင့် ကျနော်လဲ ကြုံတုန်း စာဖတ်ပရိတ်သတ်တွေကို ပြန်မျှဝေလိုက် ပါတယ်။

အဲ တစ်ခု ကြိုတင်သတိပေးထားပါရစေ။ မြဘုရားကို သွားရင် ဘောင်းဘီအရှည် (၀ါ) စကတ်(စ်) အရှည်ဝတ်ရပါတယ်။ ဒူးခေါင်း အောက်ပေါ့ဗျာ။ မရှိရင်တော့ မြဘုရား မ၀င်ခင် လမ်းဘေးဆိုင်တွေမှာ ဌားပါတယ်။ တစ်ထည်မှ 10 ဘတ်ပါ။ မြဘုရားက 9 နာရီကနေ နေ့ လည် 33း0 နာရီထိပဲဖွင့်ပါတယ်။

မြဘုရားကို သွားမယ်ဆိုရင်တော့ BTS (၀ါ) Sky Train, မိုးပျံရထားပေါ့ဗျာ.. စီးပြီးတော့ Taksin Bridge Station မှာဆင်းရပါတယ်။ ဆင်းပြီးသွားတဲ့ အချိန်မှာ ကျောက်ဖုရား မြစ်ဖက်မျက်နှာမူပြီးဆင်းရပါတယ်။ ကျနော်တို့ ဆင်းတဲ့ အချိန်မှာ လမ်းညွန် ဆိုင်းဘုတ်တွေ၊ မြေပုံတွေ ပြထားပါတယ်။ exit မှားပြီးဆင်းမှာကို မစိုးရိမ်ပါနဲ့ ဗျာ။



ကျောက်ဖုရား မြစ်ကိုရောက်ရင်တော့ (ဆင်းတာနဲ့  ကျောက်ဖုရားရောက်ပါတယ်) အပေါ်က လှေကိုစီးရပါတယ်။ Chao Phaya Express Boat ပါ။ လှေခက တစ်ယောက်ကို 17 ဘတ်လောက်ပေးရပါတယ်။ (မမှတ်မိတော့ဘူးဗျာ.)



လှေကိုစီးလာပြီးရင်တော့ ဒီ မဟာလဒ် (မဟာလားချား မဟုတ်ပါ) မှာဆင်းရပါတယ်။ လှေပေါ်မှာ အင်္ဂလိပ်လိုကော ထိုင်းလိုကော ကြေငြာပေးပါတယ်။



ဒါကတော့ မြဘုရားကို သွားတဲ့လမ်းထဲ ၀င်သွားတာနဲ့  တွေ့ ရတဲ့ မြင်ကွင်းပါဗျာ။



ဒါကတော့ အနီးကပ်မြင်ကွင်းပေါ့ဗျာ..



ဒီနေရာကတော့ လက်မှတ်ရောင်းတဲ့ နေရာပါ။ နိုင်ငံခြားသား တစ်ယောက်ကို (မြန်မာ အပါအ၀င်၊ ကန်တော့ပါရဲ့ ဗျာ.. ပိုက်ဆံ ကောက်တဲ့ နေရာလေးတွေကပဲ ကျနော်တို့ ကို နိုင်ငံခြားသားလို ဆက်ဆံတာ) ဘတ် 350 ပေးရပါတယ်။ (တစ်ခေါက်တုန်းက မိချောင်းခြံသွားတာ ထိုင်းလိုပြောတတ်တာနဲ့  50 တဲ့။ နောက် မြန်မာမှန်းသိတော့ တစ်ယောက်ကို 500 ပေးရတယ်ဗျာ။ တော်သေးတာက လက်မှတ်ရောင်းတဲ့သူက ကျနော်ထိုင်းနဲ့  တူတယ်ဆိုပြီး 50 ပဲယူလို့ ။ အဲ သူငယ်ချင်းတွေတော့ တစ်ယောက်ကို 500 ပေးလိုက်ရတယ်။)

ထိုင်းလူမျိုးဆိုရင်တော့ အလကား ၀င်ဖူးလို့ ရပါတယ်။ ထိုင်းက ဘယ်ဖက် ကနေ၀င်ရပြီး၊ နိုင်ငံခြားသားက ညာဖက်မှာ ၀င်ရပါတယ်။ ဆိုတော့ ကိုယ်က အသားလေးဖြူဖြူ၊ ထိုင်းလို ခပ်တူတူ ဆိုရင်တော့ ဘယ်ဖက်ကနေ ခပ်တည်တည် ၀င်သွားလို့ ရတယ်လေ။ သူတို့  မေးရင်လဲ ခေါင်းသာညိတ်ပြလိုက်။ ( ပြောပြတာနော် .. လုပ်ဖို့ မလုပ်ဖို့ တော့ မတိုက်သွန်းဘူး.. အဲ.. မည်းတဲ့ထိုင်းတွေလဲ ရှိပါတယ်။ ဒါပေမယ့် ဖြူထားတော့ကောင်းတာပေါ့ဗျာ)

ဘတ် 350 က မြဘုရား အပြင် Grand Palace ကြေးပါပေါင်းထားတာပါ။ ဒါကြောင့်... Grand Palace ကို သွားကြည့်ဖို့ မမေ့ပါနဲ့ ဗျာ.။



ဒီပုံကတော့ ခပ်တည်တည်.. အဲ.. ၀င်သွားတာနဲ့  တွေ့ ရတဲ့ပုံပါ။ ကျနော်တို့ မြန်မာလို ခေါ်ရင်တော့ ဘိုးတော်ပုံပေါ့ဗျာ။



ဒါကတော့အနီးကပ်..




ဘယ်ဖက်ကို ကြည့်လိုက်တာနဲ့ တွေ့  ရမယ့်ပုံဖြစ်ပါတယ်။ (ညာဖက်က သွားလို့ မရဘူးလေ.. ဘာလို့ လဲဆိုတော့ ပိတ်ထားတာကိုး)



ဒါကတော့ ၀င်ပေါက်ကို ပြန်ရိုက်ထားတာ..



လမ်းတစ်လျှောက်တွေ့ ရမယ့် အစောင့်ရုပ်ထုတွေလေ..



အပေါ်ပုံကတော့ မြဘုရား အပူဇော်ခံ ထားတဲ့နေရာပါ။



ဒါကတော့ ၀င်ပေါက်ပါဗျာ။ မ၀င်ခင်မှာ ဖိနပ်ချွှတ်ဖို့ နေရာပေးထားပါတယ်။ အဲဒီမှာ ဖိနပ်ချွှတ်ထားရပါတယ်။ အဲ.. နောက်တစ်ခုက ဦးထုပ်တွေလဲ ချွှတ်ရပါတယ်။ (ချွှတ်ပြီးကိုင်သွားပေါ့လေ..(ရှင်းလင်းအောင်လို့ ပြောပြတာဗျ))



ဒါကတော့ မြဘုရားမဖူးခင်မှာ ပရိတ်ရည်တွေနဲ့  ကိုယ်ကို သန့် စင်ကြတာပါ.. (မကောင်းတာတွေ ကင်းရှင်းအောင်) ဖူးပြီးမှ လုပ်လဲ ဘာမှမဖြစ်ပါဘူးဗျာ။



ကဲ.. မြဘုရားကို သွားဖူးကြစို့ ..။



ဝင်ဖူးတဲ့ အချိန်မှာ မြဘုရားဖက်လှည့်ပြီး ခြေမဆင်း (ခြေမဆန့် ) ရပါဘူး။ ဓါတ်ပုံလဲ ရိုက်ခွင့်မရှိဘူး။ ဒီပုံတော်က ကျနော် အပြင်ရောက်မှရိုက်တဲ့ ပုံပါ။ ပုံကိုကြည့်ရင်တော့ မြဘုရားကို သင်္ကန်းကပ်လှူထားတာကို တွေ့ ရမှာပါ။ ဘာဖြစ်လို့ လဲဆိုတော့ ကျနော်သွားတဲ့ အချိန်က ဆောင်းရာသီလေ.. ဒါကြောင့်သင်္ကန်းကပ်ထားတာပါ။ မိုးဆိုရင်တော့ ထီးတော် ဆောင်းထားပေးပါတယ်။ နွေဆိုရင်တော့ ထီးနဲ့  သင်္ကန်း မကပ်ကြပါဘူး။ ဒါကြောင့်မို့  နွေ၊ မိုး၊ ဆောင်း ဘုရားရယ်လို့  ဆိုင်တန်းတွေမှာ ရောင်းနေကြတာပါ။



ဖူးပြီးသွားတဲ့အချိန်မှာတော့ ပတ်ပတ်လှယ်လျှောက်ကြည့်မယ်ဆိုရင် ဒီလိုမျိုး ကဏ္ဍရီ ရုပ်ထုတွေကို တွေ့ ရမှာပါ။




ဘီလူးကို မကြောက်ပဲ ပုခုံးပေါ်လာနားတဲ့ ကျီးကန်းပေါ့ဗျာ.။။



ဒီနေရာမှာတော့ ကိုယ်တို့ လဲ အမှတ်တရ မတဲ့ ပုံစံလေးရိုက်ကြတယ်လေ။



ခရမ်းနဲ့  ပန်းရောင် ကြာပန်းများနဲ့ အတူတူ...



အမှတ်တရ ဓါတ်ပုံလေးများရိုက်ရင်း..........



ကျနော်သွားတဲ့ နေ့ တုန်းကတော့ ကြာပန်းကို ပူဇော်ထားတဲ့ပုံကို တွေ့ ရပါတယ်။




ဒါကတော့ ကြာပန်းအောက်မှာ ခင်းကျင်းထားတဲ့အရာများ ဖြစ်ပါတယ်။




ကဲ မြဘုရားကို ဖူးပြီးသွားတဲ့အချိန်မှာ Grand Palace ကိုသွားကြည့်ကြတာပေါ့ဗျာ.. (အရင်တုန်းက ကျနော် သုံး၊ လေး ခေါက်ရောက် ပေမယ့် နန်းတော်ကြီးကို တစ်ခါမှ မတွေ့ လိုက်ရဘူး။ မတွေ့ ရဆို.. ကျနော်လဲ မြဘုရားဖူးပြီး၊ ကြာပန်းတွေကို ကြည့်၊ လုပ်ပြီးတာနဲ့  မြဘုရားထားတဲ့ အရှေ့ တည့်တည့်က အပေါက်ကနေထွက်ထွက်လို့ လေ။ ဆိုတော့ နန်းတော်ကို သွားချင်ရင်.. ညာဖက်ကို သွားပါ။ (ခုနက ပိတ်ထားတယ်ဆိုတဲ့ဖက်ကိုပေါ့) အဲဒီမှာ No Reentry (ထပ်၍ ပြန်မ၀င်ရ) ဆိုတဲ့ စာတမ်းထိုးထားတဲ့ အပေါက်ကို ၀င်လိုက်မယ်ဆိုရင်တော့ အပေါ်က နန်းတော်ကြီးကို တွေ့ ရပါမယ်။ ကျနော်ကြားတာတော့ အဲဒီ နန်းတော်က မိုးယိုလို့  တဲ့ဗျာ.. ဒါကြောင့်ပြတိုက်လုပ်လိုက်တာ..

ပြတိုက်ဆိုပေမယ့်လဲ ၀င်ကြည့်လို့ တော့ မရဘူးဗျ။ ကြည့်ယုံလေးပေါ့..



ဒါကနန်းတော်ကို အနီးကပ်ရိုက်ထားတာ..



အဲဒီနေ့ က ကံကောင်းချင်တော့ ကျောင်းသူ၊ သား တွေလာလည်တာနဲ့  Weapons Museum မရောက်ခင်က အဆောင်တံခါးက ဖွင့်ထားတော့ ကျနော်လဲ ရောရောင်ပြီးလိုက်ကြည့်တာ... အပေါ်ပုံကတော့ လသာခံ အဆောင်ပါ။ အဲဒါနဲ့  ကပ်ရက်ကတော့ ဘုရင့်ပုလ္လင်လဲ ရှိပါတယ်။ ဓါတ်ပုံရိုက်လို့  မရတာနဲ့ မရိုက်ခဲ့ပါဘူး...။



ဒါကတော့ လက်နက်ပြတိုက်ရဲ့ ဝင်ပေါက်ပါ။



အထဲမှာ ဓါတ်ပုံရိုက်လို့ မရတာနဲ့  အပြင်ကနေ ရိုက်ထားတာပါဗျာ...။



ရှမ်းကလေး

အော်... အချစ်တဲ့လား...

"စိုင်းစိုင်း... " ဟု အပြေးအလွားခေါ်ကာ အိမ်ပေါ်တက်လာတဲ့ ကောင်မလေး... ဆံပင်ခပ်ရှည်ရှည်နဲ့ 

"ဘာလဲဟ? ဖြည်းဖြည်းလာလဲရပါတယ်ကွာ စိုး ရာ" သူ့ နာမည်က စိုးနန္ဒာ။ ကျနော့်အရင်းနှီးဆုံး သူငယ်ချင်းပါ။ သူက သူဌေးသမီးလေ.. ကျနော်ကတော့ လယ်သမားသားတစ်ယောက်ပါ။

"ငါ ရှစ်တန်းအောင်တယ်ဟာ" ဟု ပြောလေ၏။ ကျနော်လဲ စိတ်ညစ်စွာနဲ့  ...

"ရှစ်တန်းအောင်တာများကွာ အဆန်းလုပ်လို့ .. ငါလဲအောင်တာပဲဟာ" ဟု ဘုဆတ်ဆတ်ပြောလိုက်သည်။ ရှစ်တန်းက အစိုးရဖြေဆိုပေမယ့် အဲလောက်ထိ မပျော်သင့်ဟု ကျနော်ထင်သည်။

"နင်ကလဲ.. ခံစားချက်ကို... မရှိဘူး။ ငါတို့  နောက်နှစ်မှာ ကိုးတန်းအတူတူတက်လို့ ရတာပေါ့..။ အင်းလေ.. နင်ကစာတော်တော့ အေ ခန်းရမှာပေါ့. ငါတော့... ဘီ ခန်းမှာပဲနေရမယ်ထင်တယ်." ဟု ပြောလေ၏။

အမှန်ပြောမယ်ဆိုရင် ကျနော်သူ့ ကို ချစ်နေတာပါ။ ဒါပေမယ့် သူမချစ်ခဲ့ရင် ဒီလိုမျိုး ဘ၀ကို လက်လွတ်ဆုံးရှုံးရမှာကို ကျနော်ကြောက်တယ်လေ။ သူ့ ကို ချစ်တယ်ဆိုပေမယ့် သူ့ အကြောင်းကို ကျနော်က သိပ်သိတာမဟုတ်.။ သူက တခြားမြို့ ကနေ လာတက်တာ.။ ဒီရှစ်တန်းရောက်မှ ကျနော်သူ့ ကို စတွေ့ တာလေ။ မြင်မြင်ချင်းစိတ်ဝင်စားတယ်ဗျာ။ ဒါပေမယ့် သူဘယ်မှာ နေမှန်းကို ကျနော်မသိဘူး။ ကျနော့်အိမ်က ကျောင်းနဲ့ မျက်နှာချင်းဆိုင်ဆိုတော့ အားလုံးလိုလိုက သိနေကြတာ။

ကျနော်တက်တဲ့ကျောင်းက အလယ်တန်းကျောင်း... ရှစ်တန်းအောင်တော့ တခြားကျောင်းကို ပြောင်းရပါတယ်။ ကျောင်းသစ်ရောက်တော့ ကျနော်က အေ အခန်းရပြီး "စိုး" က ဘီအခန်းရပါတယ်။ အဲဒီအချိန်မှာ ကျနော်နဲ့  တစ်တန်းထဲ ရှိပြီး အေတန်းရတဲ့ သူငယ်ချင်းက...

"စိုင်း.. ငါ အေ တန်းမနေချင်ဘူး.. ငါအခန်းပြောင်းချင်တယ်.. နင်လိုက်ပြောင်းပါလား"

ဆိုပြီးတော့ အဖော်ညိပါတယ်။ ပြောမယ်ဆိုရင်လဲ ကျနော်တို့ က ကျောင်းသားအသစ်တွေဆိုတော့ ဒီမှာ ဘယ်လိုရှိမှန်းမသိ။ ဆိုတော့ ကျနော်လဲ ...

"ကောင်းသားပဲ.. ငါတို့ ဘီအခန်းကို ပြောင်းရအောင်လေ" လို့ သာ ပြောပြီး ဘီ အခန်းကိုပြောင်းကြတော့ စိုး နဲ့ အတန်း အတူတူ ဖြစ်သွားတယ်။

ကိုးတန်းတုန်းကတော့ တော်တော်လေးကို ပျော်ခဲ့ပါတယ်။ ကျနော်နဲ့  စိုးက ကျူရှင်လဲ အတူတူ၊ သွားလာတာလဲ အတူတူပဲလေ။ ဒါပေမယ့်... သူ့ ကို ကျနော်ချစ်တဲ့ အကြောင်းမပြောမိပါဘူး...

အိမ်ကမှာထားတယ်ဗျာ... ဆယ်တန်းမအောင်ရင် လူရာမတိုးဘူးတဲ့လေ.. ဆိုတော့ ကျနော်လဲ အဟန့် အတားဖြစ်မယ့် အရာအားလုံးကို မလုပ်ဘူး။။ ရှင်းရှင်းပြောရင် ကျနော်စိတ်ဝင်စားတဲ့ ဂစ်တာကိုတောင် မတီးဘူး။။။ ဂစ်တာသီးရင် စိတ်လေတတ်တယ် လို့  အိမ်က ဆုံးမထားတာ။

အဲလိုနဲ့  စာမေးပွဲ ဖြေဖို့ အချိန်ရောက်လာပါတယ်။ စာမေးပွဲနီးတော့ ကျနော်လဲ ကျူရှင် ကို အမြန်ရောက်အောင်ပြင်ဆင်ပြီး အိမ်ကနေထွက်လာလိုက်တယ်။ လမ်းရောက်တော့ ကျနော့်သူငယ်ချင်းတစ်ယောက်နဲ့ တွေ့ တယ်လေ။ အိမ်နီးနားချင်းကပေါ့။။ သူက ကျနော်နဲ့ လမ်းအတူလျှောက်ပြီး ...

"ဟေ့ကောင်... စိုင်းစိုင်း... မင်းသူငယ်ချင်းစိုးက တော်တော်ချစ်စရာကောင်းတယ်နော်.."

ကျနော်လဲ ဘုမသိ.. ဘမသိပဲ..

" အင်းဟုတ်တယ်.. ဘာဖြစ်လို့ လဲ?"

" အေး.. ငါသူ့ ကို ရည်းစားစာပေးထားတယ်ကွ.. သူက စာမပြန်သေးဘူး. မင်းငါ့အတွက်သူ့ ကို မေးပေးပါလား?"

ကျနော်.. ကြောင်တောင်တောင်ဖြစ်သွားပါတယ်။ မထင်မှတ်ပဲနဲ့  ကိုယ်ကြိုက်တဲ့ ကောင်မလေးကို ကိုယ့်သူငယ်ချင်းနဲ့  အောင်သွယ် လုပ်ပေးရမှာပါလားလို့ ။ ပြီးရင်ပြီးရော ဆိုတဲ့ သဘောနဲ့  ကျနော်လဲ..

"ငါမေးပေးမယ်လေ" ဟုသာပြောကာ ထွက်လာလိုက်သည်။

ကျူရှင်ပြီးသွားသောအခါ.. စိုးနဲ့ အတူတူလျှောက်ရင်း .. သူငယ်ချင်းအကျိုးဆောင်သောအနေနဲ့  (စ်ိတ်ဆန်း ချင်တာလဲ ပါတာနဲ့ ) ..

"ငါ့သူငယ်ချင်း မင်းကို ရည်းစားစာပေးထားတယ်မဟုတ်လား?"

" နင်ဘယ်လိုလုပ်သိတာလဲ?"

" ဒီလိုပါပဲ။ ငါကြားတာပါ။ နင်သူ့ ကိုကြိုက်လား? "

"မကြိုက်ပါဘူးဟာ.. နင့်လိုဆိုရင်တော့ တစ်မျိုးပေါ့"

ဟုပြောကာ.. ထွက်သွားလေသည်။ ကျနော့်အိမ်နဲ့ နီးနေတော့ ကျနော်လဲ အိမ်ကို တန်းပြန်ခဲ့ပါတယ်။ အဲလိုနဲ့  စာမေးပွဲပြီးတော့ စိုး လဲ သူ့ မြို့ ကို ပြန်သွားလေရဲ့ ။

ကျောင်းပိတ်ရက်အတွင်းမှာ ကျနော်လဲ စေတနာ့ဝန်ထမ်းအနေနဲ့  ကလေးတွေကို ရှမ်းစာလိုက်သင်ပေးပါတယ်။ အဲလိုနဲ့  ကျောင်းပြန်ဖွင့်တော့ ကျနော်က အေ ရောက်ပြီး.. စိုးက စီ အတန်းထဲရောက်သွားပါတယ်။ အဲလိုနဲ့ နှစ်ကုန်လို့  စာမေးပွဲ ဖြေပြီးသွားတဲ့ အချိန်မှာ.. စိုးနဲ့  ကျနော်တို့  သူငယ်ချင်း တစ်သိုက် လျှောက်လည်ကြပါတယ်။

နောက်ပိုင်းမှာတော့ ကျနော်လဲ ဆရာလုပ်နေတာရယ်.. နဲ့ ပဲ အချိန်တွေကုန်လို့  စိုးနဲ့ မတွေ့ မိပါဘူး။

တစ်နေ့ မှာ ကျောင်းပိတ်နေတာနဲ့  ကျနော်လဲ အိမ်မှာ အေးအေးဆေးဆေးထိုင်နေတုန်း မထင်မှတ်ပြီး အိမ်မက်မင်းသမီးက ကျနော့် အိမ်ကိုရောက်လာပါတယ်။ ကျနော်က ပြုံးရွင်စွာ ကြိုဆိုရင်း... ၀မ်းသာလုံးဆို့ နေချိန်မှာ.. စိုးက ဖိတ်စာတစ်စောင်ကမ်းပေးပါတယ်။ မင်္ဂလာဖိတ်စာ.. သူ့ ရဲ့  မင်္ဂလာဖိတ်စာ...

ကျနော်မှာဖြင့် ၀မ်းသာရမလို.. ၀မ်းနည်းရမလိုဖြစ်ပြီးတော့ ပြုံး၍သာ

" ၀မ်းသာတယ်ကွာ" ဟုပြောလိုက်ပါတယ်။

ဖိတ်စာပေးပြီးတော့ သူမလဲ ပြန်ထွက်သွားပါတယ်။ တခြားနေရာ သွားစရာရှိလို့ တဲ့။

နောက်နေ့ မှာ ကျနော်လဲ သူမ မင်္ဂလာဆောင်အတွက် ပစ္စည်းထွက်ဝယ်ရင်း .. ၀မ်းနည်းစွာနဲ့  လဖ္ဘရည်ခွက် သုံးဆုံကို ပေးမှပဲ ဆိုပြီး ဆိုင်ရှင်ကို သေသေသပ်သပ် လုပ်ခိုင်းရင်း.. စိတ်မကြည်စွာနဲ့  အိမ်ပြန်ရောက်လာတယ်။ သူမ မင်္ဂလာဆောင်က မနက်ဖြန်ဆိုတော့လဲ..

မနက်ရောက်တော့ ဆိုင်ကယ်ကို စီးပြီး သူငယ်ချင်းကို ကြို ပြီးတော့ မင်္ဂလာပွဲကို သွားခဲ့တယ်လေ။ လက်မှာ က လက်ဆောင်နဲ့  ..

ရောက်တော့ သတို့ သမီးကိုယ်တိုင် ဆင်းကြိုတာပေါ့ဗျာ။ ပြီးတော့ ကျနော့်နဘေးမှာ လာထိုင်ပြီး ဘီယာတွေ ထည့်ပေးပါတယ်။ ကျနော်က ဘီယာကို မကြိုက်.. တစ်ခေါက်မှလဲ မသောက်ဘူးတော့ သိပ်မသောက်ချင်ဘူး.. အဲဒီအချိန်မှာ သတို့ သမီးက လိမ္မော်သီး တွေအခွံခွါရင်းခွံ့ ကြွေးပါတယ်။ လူအများကြားမှာ ရှက်ရှက်နဲ့  ကျနော်လဲ ...

" ငါ့.. ဖာသာ ငါစားပါ့မယ်ကွာ.. လုပ်ပေးစရာမလိုပါဘူး" ဟု ပြောတော့..

" နင်သိဖို့ က... ငါနင့်ကို လုပ်ပေးနိုင်တာ ဒါနောက်ဆုံးပဲ.. နောက်ပိုင်းမှာ.. ငါကြင်နာတာကို နင်ခံစားနိုင်မှာ မဟုတ်ဘူး။ နင့်လို လူအ ကို တော်လာအောင် ငါ မလုပ်နိုင်ခဲ့ဘူးပဲ.. "

ဟုပြောကာ ထွက်သွားလေသည်။

ကျနော့်မှာဖြင့် ဘာမှ မသိလိုက်ပဲ.. မင်္ဂလာဆောင်ပွဲကနေ ထွက်ခွာခဲ့ပါတယ်။။



ရှမ်းကလေး...

ကြယ်တစ်ပွင့်

ငယ်ငယ်တုန်းက အမေပြတဲ့ကြယ်
ကောင်းကင်ထက်ဝယ် နင်အမြဲတောက်ပ

ပုံပြင်ထောင်သောင်း နင်အမြဲသယ်ဆောင်
လူတွေပြောင်းလဲ နင်အမြဲနေစဲ

အိပ်မရချိန် နင်အဖော်ပြုမဲ
ကောင်းကင်ထက်ဝယ် လင်းလက်စွာနဲ့ ပဲ

သက်တမ်းကုန်လို့  ငါကြွေသွားခဲ့ရင်
နင့်နဘေးမှာ အစဉ်ထာဝရ
နေခွင့်ပေးပါ ငါ့ရဲ့ ကြယ်တစ်ပွင့်..



လေပြေ..

အဖြစ်မှန်နဲ့  အဖြစ်မှားများ..............

တီဗွီဖန်သားပြင်ပေါ်က မလှမပ အရိုးခေါင်းနဲ့ အတူ... ဆေးလိပ်သောက်ခြင်းသည် ကျန်းမာရေးကို ထိခိုက်ပါသည်..ဆိုသော ကြေငြာကို ကြည့်ရင်း... "အမ.. လန်ဒန်တစ်ဘူး" ဟုလှမ်းပြောလိုက်သည်။ ကျနော် စဉ်းစားတာက လူတိုင်းက တစ်နေ့ နေ့  သေရမှာပဲ.. ဒါပေမယ့် သေတဲ့အချိန်မှာ ဘာရောဂါနဲ့  သေမလဲဆိုတာပဲရှိတယ်လေ။ နာမည်ကြီးတဲ့ ရောဂါနဲ့ သေလဲ ဘာဖြစ်လဲလို့ ။ အဲ... အေအိုင်ဒီအက် (စ်) က လွဲရင်ပေါ့။

ဆိုင်ရှင်အမကြီးက ဆေးလိပ်ဘူးလှမ်းပေးရင်း.. "2300" ဟုပြောတော့.. ကျနော်လဲ အိတ်ကပ်ထဲက 1000 တန်နှစ်ရွက်ကို ထုတ်ပေး လိုက်သည်။ ထို့ နောက် ဆိုင်ရှင်အမကြီးက ခပ်နွမ်းနွမ်း ငါးရာတန်နှင့် အလွန်ဟောင်းနွမ်းကာ ပြတိုက်တွင် ထားသင့်သော 100 တန်၊ တစ်ရွက်နှင့် ၂00 တန်တစ်ရွက်ကိုပြန်အန်းလေသည်။

ထိုဟောင်းနွမ်းသော စက္ကူကိုကိုင်ရင်း ကျနော်သည် အိမ်သို့ ပြန်လာခဲ့သည်။ နှစ်ထပ်တိုက်အိမ်အ၀င်ဝတွင် ဖိနပ်များရောင်စုံ၊ မညီမညာ ပျံ့ ကြဲနေလေ၏။ ထိုမြင်ကွင်းကို ငေးကြည့်ရင်း..

ူ"အော်ဟုတ်သားပဲ... ငါ့အဒေါ် ဆုံးသွားတာကိုး" ဟု မှတ်ချက်ချကာ လူမမြင်ရာ ငါးကန်ဘေးတွင် ဆေးလိပ်ဗူးဖွင့်ကာ ဆေးလိပ်ထိုင်သောက်နေလိုက်သည်။ ထိုသို့ နှင့် အတိတ်က တရိတ်ရိတ်...

ကျနော့်အိမ်မှာက အဘိုး၊ အဘွား နဲ့  အပျိုကြီးအဒေါ် တစ်ယောက်ရယ်၊ အဘွားရဲ့  အမေရယ်၊ လက်ရှိဆုံးသွားတဲ့ အဒေါ့်ရဲ့့ယောင်္ကျား နဲ့  သူ့ သမီးရယ်၊ ကျနော်ရယ် ခုနှစ်ယောက်တည်းနေတာပါ။ တခြား မိသားစုဝင်တွေတော့ ကိုယ့်အိမ်ထောင်နဲ့  ကိုယ်က တစ်ကြောင်း၊ ဘုန်းကြီးဝတ်နေတာက တစ်ကြောင်းကြောင့် အိမ်မှာမရှိပါဘူး။

ဒီဆုံးသွားတဲ့ အဒေါ်နဲ့  ကျနော်နဲ့  က သိပ်မကိုက်ဘူးဗျ။ ကျနော်က ည လျှောက်လည်ပြီးတော့ ပြန်အိပ်ပြီးရင်.. ဒီအဒေါ်က ကျနော့်ကို မမြဲတမ်းစောစောနိုးတယ်။ နိုးတော့ ကျနော့်မှာက ဘာမှ လုပ်စရာမရှိတော့ ပျင်းတယ်ပေါ့ဗျာ။ ကျနော်က ပန်းရံလဲမတတ်.. ဆေးသုတ်လို့ လဲမရ.. လယ်လဲ မလုပ်တတ်.. ငယ်ငယ်ကတည်းက လုပ်တာဆိုလို့  ကျောင်းတက်တာပဲရှိတယ်။ ခုတော့ ၁၀ တန်းအောင် ပြီလေ။ နှစ်ချင်းပေါက်ပါပဲ. ..ကုန်ထူးတော့ မပါဘူးပေါ့။ ဆယ်တန်းအောင်ပြီးတော့လဲ ဘာမှ လုပ်ကိုင်လို့ မရ.. ကျနော့် သူငယ်ချင်းတွေကတော့ ဆိုင်ကယ် အပြေးလိုက်တယ်လေ။

အိမ်ကလဲ ကျနော်ဘာမှ မလုပ်တတ်မှန်းသိတော့ ဘာမှ သိပ်မပြောပါဘူး.. မပြောပေမယ့် ကျနော်လဲ သူငယ်ချင်းတွေနဲ့ လိုက်ပြီး အဌားလိုက်တာတွေလုပ်ပါသေးတယ်။ အဲဒီတုန်းက တစ်မနက်ကို 500 ရတယ်လေ။ မနက်ပြီးတော့ နေ့ လယ်မှာ စပါးရိတ် အဌားလိုက်တယ်။ တစ်ခါမှ မလုပ်တတ်တဲ့ ကျနော့်ကို အလုပ်ရှင်က ကြည့်ပြီး.. တစ်နေ့ လုပ်ခထုတ်ပေးပြီးတော့ "ပြန်ပါတော့ကွာ... မင်းလက်မ ပြတ်တာကို ငါမမြင်ချင်ဘူး" ဆိုပြီးတော့ မောင်းထုတ်တယ်လေ... အင်း.. ကျေးဇူးပဲ တင်ရမလား... တောင် မသိဘူး..

အဲ... လူငယ်သဘာဝဆိုတော့ ရည်းစားလေးက ရှိသေးတယ်ဗျာ။ သူ့ ခမျာ မေးရှာပါတယ်... "ငါတို့ လက်ထပ်ပြီးရင် ဘာအလုပ် လုပ်မလဲတဲ့? " အော်.. ခက်ပါ့ဗျာ... တစ်အိမ်လုံးက ပညာတတ်ဖြစ်ပါစေဆိုပြီး ကျောင်းထားတာလေ... ဘာမှကို မလုပ်ရဘူး..။ ခုတော့ အိမ်က လူတွေ လူတကာကို " ငါ့မြေးက ဆယ်တမ်းကို နှစ်ချင်းပေါက်အောင်တယ်ဆိုတဲ့" စကားက လွဲရင် ဘာမှ မရှိဘူးဖြစ်နေတယ်လေ။ နောက်ဆုံးမှာတော့ သူလဲ ကျနော့်ကို မစောင့်နိုင်ပဲ မင်္ဂလာဆောင်သွားတယ်လေ... (ဘ၀..ဘ၀)

အတိတ်...

ကျနော်လဲ မုဆိုးဖိုလို့  ပြောလို့ ရပါတယ်လေ။ ကျနော်က အသက် 15 ထဲကအိမ်ထောင်ပြုတယ်လေ။ အိမ်ထောက်ပြုပုံက ဒီလိုဗျ..

ကျနော့် အဖိုးအိမ်ကိုလာလည်ရင်း... ကျနော့် အမျိုးတစ်ယောက်က အိမ်သစ်တက်ပွဲရှိတယ်... လာလုပ်ကူပါဆိုပြီး ကျနော့်ကို ဖိတ်တယ်ပေါ့နော်... အဲလိုနဲ့  ကျနော်သွားလုပ်ကူတယ်လေ... အိမ်ပေါ်ရောက်တော့ ကျနော့်ဦးလေးက သူ့ သမီးနဲ့ အတူ ပရိတ်ကြိုး သွားချီပါဆိုပြီးတော့ ပြောတာပေါ့.... ပရိတ်ကြိုးချီတယ်ဆိုတာက ကံကောင်းအောင်နဲ့  သက်ကြီးရွယ်အိုတွေက ဆုပေးတာဆိုတော့ အဆန်းမဟုတ်ဘူးလေ..

ကျနော်လဲ ခပ်တည်တည်နဲ့  သွားအချီခံတာပေါ့... ကလေးပဲဟာ... အဲလူကြီးတွေဆုပေးတာကို နားထောင်မိတော့မှ ကျနော်ထ မပြေးမိအောင် မနဲကြိုးစားရတယ်ဗျာ...လူကြီးတွေဆုပေးတာကလဲ "ဒီလင်မယား အိုအောင်မင်းအောင် ပေါင်းနိုင်ပါစေတဲ့ဗျာ "။ ဆုပေးတဲ့ သူတွေထဲမှာ ကျနော့်ဦးလေးနဲ့  အဘိုးလဲ ပါပါတယ်။ သူတို့ က လဲ ခပ်တည်တည်ပဲဗျ. ... ဘာမှကို မပြောဘူး...

ချီပြီးသွားတာနဲ့ ကျနော်လဲ အိမ်ကိုပြန်... ပြီးတော့ ပရိတ်ကြိုးတွေကို အားလုံးဖြတ်ပြီးလွင့်ပစ်လိုက်တယ်... "မဆီမဆိုင်ကိုယ် က သူများယောင်္ကျား ကြားကနေ ဖြစ်ရပါလားနော်.... "

"အဟွတ်.. ဟွတ်..." အတ်ိတ်ကိုတွေးရင်း ပြုံးမိတော့ ချောင်းတောင်အလွန်ဆိုးမိသွားတဲ့ ကျနော့်ဘ၀... ၀မ်းနည်းမလိုလိုနှင့် နောက်ဆုံးတော့လဲ ရယ်စရာဖြစ်နေသည် မဟုတ်ပါလား... အဲ... နောက်မကြာခင်မှာပဲ ကျနော့်ဦးလေး သမီးလဲ ဆုံးသွားပါတယ်... သူဆုံးချိန်က အသက် 30 ရှိနေပါပြီ...

သောက်ပြီးသွားတဲ့ ဆေးလိပ်ကို မီးသတ်ပြီးတော့ ကျနော်လဲ အိမ်ပေါ်သွားပြီး ကူသင့်သည်ကို ကူမည်ဟု စိတ်ကူးကာ အိမ်ပေါ်သို့  တက်လာခဲ့သည်။ ကျနော့်အဖိုးကတော့ ထုံးစံအတိုင်း ကွမ်းအစ်ကိုဖွင့်ကာ ကွမ်းယာ ၀ါးနေလေသည်။ အိမ်အလယ်မှာတော့ အခေါင်း တစ်လုံး...အခေါင်းအောက်မှာတော့ မျက်ရည်များနဲ့  ငိုနေတဲ့ ကျနော့် အဘွား...

အဘွားငိုနေသည်ကို ကြည့်ရင်း..ကျနော်လဲ မည်သို့ ဖြေသိမ့်ရမည်မှန်းကိုမသိတော့... နောက်ဆုံးတော့ မသိကျိုးကျွန်သာ ပြုမိလေသည်။


ထိုအချိန်တွင်... အဘွားက

"အဖြစ်ဆိုးလှချီလား ငါ့သမီးရယ်... မင်းကို ကုသဖို့ ... ပိုက်ဆံမရှိလို့ မင်းဒီလိုဖြစ်ရတာ" ဆိုတဲ့စကားကို ကျနော်ကြားလိုက်တော့ အဘိုးကို အမှတ်မထင်ကြည့်မိပါတယ်။ အဘိုးကတော့ "မပြောပါနဲ့ " လို့ သာပြောပြီး ကွမ်းယာ စားနေပါတယ်။ အဘိုးက စကားနည်းတယ်... သိပ်မပြောဘူး...

အဲဒီအချိန်မှာ... ကျနော့်အိတ်ကပ်ထဲကို အမှတ်မထင်သွားစမ်းမိတယ်... မှာမှာတောင့်တောင့်အရာ... ကျနော်သိပြီ ဒါက ဆေးလိပ်ဘူး. တစ်နေ့ နေ့ မှာ ကျနော် ဆေးလိပ်အရမ်းသောက်လို့  ကင်ဆာ ဆိုတဲ့ ရောဂါရခဲ့ရင်... ကျနော့်အဖိုး၊ အဘွားတွေလဲ ဒီလိုပဲ ကျနော့်ကို ကုသဖို့  ပိုက်ဆံရင် တော်တော်လေးကို ၀မ်းနည်းနေရမှာ ပဲနော်...

ဆိုတဲ့ အတွေးဝင်လာတဲ့အချိန်မှာ ...

ကိုယ်က ကိုယ့်ဒုက္ခကိုယ်ရှာတဲ့အပြင် ကိုယ့်ရဲ့ မိသားစုကိုပါ စိတ်မချမ်းသာစေပါလား..ဆိုတဲ့ အတွေးတွေက ဆိုးမိုးလာပါတယ်။ အဲဒါနဲ့  ကျနော်လဲ ဆေးလိပ်ဘူးကို ကျနော့်အခန်းက အမှိုက်ပုံထဲပြစ်လိုက်ပါတယ်။ ....

ရက်တွေကြာတော့ ကျနော်ဆေးလိပ်ပြန်သောက်ချင်လာပါတယ်... ကျနော့်အခန်းက အမှိုက်ပုံကလဲ နဂိုအတိုင်းပါပဲ... ဆေးလိပ် အပြည့်နဲ့ ပါ... သောက်မယ်လုပ်တိုင်း အဘွားရဲ့ ငိုသံက နားထဲမှာ ပဲ့တင်ထပ်နေတယ်ဗျာ...


ရှမ်းကလေး... (... ဖြတ်နိုင်ပါစေဗျာ... တခုခုပေါ့...)

အော်... မစင်ကြောင့်ကိုး......

ငါ့ထိပ်မှာပျံနေတဲ့ ငှက်ကို
စိတ်နောက်စွာနဲ့  ခဲနဲ့ ပေါက်
ငါ့နဖူးမှောက်မှောက်ပေါ် ခဲပြန်ကျ။

နာကျင်စွာနဲ့ တောက် ကိုငါခေါက်..
အိမ်ရောက်တော့ ကုလားထိုင်မှာထိုင်
စိတ်တိုစွာနဲ့  တံတွေးထွေးတော့...

အိမ်အောက်ကခွေးထိ
ငတိက မှုန်တုန်တုန်
လူမိုက်လိုပြန်ငေး...
စိတ်အေးရအောင် ငါမောင်းထုတ်..

အမြီးကုတ်ကုတ်ဆောင်
လဒခွေးကောင် (ကာရန်အတွက်တာ)
လမ်းမှကြောင်ကိုတွေ့ 
ဒေါသငွေ့ နဲ့ 
ကြောင်ကိုလိုက်ကိုက်...

မမိုက်တဲ့ငကြောင်
သစ်ပင်ပေါ်တက်ပြေး
အေးချမ်းသွားမှ
အိမ်ပြန်လှည့်လာ..

မီးဖိုချောင်မှာက
အကြံသခိုး နှုတ်ခမ်းမွေးနဲ့ ကြွက်...
ဒေါသမိုးဆွေတော့
ငကြောင်က ကြွက်ကိုလိုက်.. ။

ထမင်းငဲ့ပြီးလို့  ၀င်လာတဲ့
ဆံရှည်မိန်းမ ကြွက်ကိုတွေ့ တော့
အား လို့ လန့် အော်..
ရောင်ရောင်နဲ့  ထမင်းအိုးလွတ်ကျ...

လက်ကျန်ထမင်းက ကြမ်းမှာပုံ
ဂလုံ..ဂလုံ အော်တဲ့ဗိုက်...

မဆီမဆိုင် ထမင်းဆာလို့ စိတ်တို
လင်မယား... မျက်လုံးချင်းဆိုင်
သူ့ အပြစ်..ငါ့အပြစ် ရန်လေးဖြစ်
စိတ်ညစ်စွာနဲ့  ကွာရှင်း...

အော်...အပြစ်က
ငါ့အပေါ် မစင်စွန့် တဲ့ ငှက်ပါလားနော်...


ရှမ်းကလေး.... :D..

အမေ.....တဲ့

“ချမ်းလိုက်တာ…..”

ခမောက် အမိုးထဲကို ၀င်နိုင်သမျှ ၀င်အောင် ကိုယ်ကိုကျုံ့ ၀င်ရင်း ညီးတွားမိပါတယ်…အဝေးကကြည့်ရင် လူကိုတွေ့၇မယ် မထင်ပါ ခမောက် အကြီးကြီး တစ်ခုကိုပဲတွေ့နိုင်ပါလိမ့်မယ် ကျနော့် အတွက် ဒီခမောက် က မိုးကာလဲ ဟုတ်..ထီးလဲ ဟုတ်ပါတယ် …မိုးတွင်းအဆက်ဆက်တိုင်းကို ဒီ ခမောက်လေးနဲ့ပဲ ဖြတ်ကျော်ခဲ့ပါတယ်…အခုလဲ မိုးဖွဲဖွဲလေး ကျနေပါတယ်…ကျနော့်
ခြေထောက်တွေ လဲ အေးစက်နေပါပြီ…ဒါပေမယ့် ကျနော် အိမ်မပြန်ချင်သေးပါ.. ။

ကျနော့် အမေနေမကောင်း ဖြစ်တာ တပါတ်လောက်ရှိပါပြီ အခုမှ အဖျား ပျောက်ကာစဆိုတော့ အားနည်နေပါတယ် .. အမေ့ကို ငါးဟင်းစွတ်ပြုတ်လေး ပြုတ်တိုက်ချင်လို့မိုးရွာကြီးထဲမှာ ကျနော် ငါးထွက်မျှားနေတာပါ…။

“ဟာ…တွတ်ပြီ…”

ဒေါင်းမှီးနဲ့လုပ်ထားတဲ့ ဖော့တံလေးက လှုပ်လာပါတယ် ပေါ်ချီ မြုပ်ချီမဟုတ်ပဲလှုပ်ရုံတင် လှုပ်တာဆိုတော့ ငါးကြီးဖြစ်ဖို့ များပါတယ်…

“ငါးရံ့ ရရင်ကောင်းမယ် …”

ဖော့မြုပ်သွားပါပြီ..ဘူစီပေါင်းတွေ ပလုံစီအောင်တတ်လာတာကိုကြည့်ခြင်းအားဖြင့် ငါးခူဖြစ်မယ် ထင်ပါတယ်.. ဖော့မြုပ်တဲ့ ဖက်နှင့်ဆန့်ကျင်ဖက်ကို ခပ်ဆပ်ဆပ်လေး ရိုက် ဆွဲတင်လိုက်ပါတယ်…။ထီးရိုးဝါးဖြင့်လုပ်ထာတော့ ငါးမျှားတံ ကညွှတ် ပြီးပါလာပါတယ်…

“အာ.. အကြီးကြီး ပဲဟ…”

ဟုတ်ပါတယ် ငါးခူ ကြီးက နှုတ်ခမ်းမွှေး အ၀ါနဲ့ ကျနော့်လက် တတောင်ကျော်ထိအောင်ကိုကြီး လှပါတယ်…ငါးခူ အစွယ်က အဆိပ်ရှိပါတယ်သတိကြီးစွာထားပြီးတော့ သူ့ရဲ့ အစွယ်နှစ်ဖက်အောက်ကို လက်ညှိုး လက်သန်းထည့်..အောက်မေးရိုးကို လက်မနှင့် လှန်ချ ပြီးတော့ချိတ်ကိုဖြုတ်လိုက်ပါ..အဲ့လိုဖြုတ်တတ်ဖို့ ငါမျှားတတ်တဲ့ဦးလေး ကြီးဆီမှာအချိန်တော်တော်ကြာ သင်ခဲ့ရတာပါ..။

ငါးကိုသေချာကြည့်လိုက်တော့ ဗိုက်ဝိုင်းကြီးပါ ဖြူလဲ ဖြုနေပါတယ်..ဒါ ငါးခူအထီး ကြီးပါ..ငါးခူ အကောင်ကြီးတွေက အဖော်နဲ့ နေတတ်ပါတယ် ဒီအချိန်က ငါးတွေ သား ကျချိန်ဆိုတော့ငါးအမကြီး ရှိနိုင်ပါတယ်..ကျနော်လဲ ဘေးပါတ်ဝန်းကျင် တလျောက်
လိုက်လေ့လာကြည့်လိုက်ပါတယ်…

“ဟာ”

တွေ့ပါပြီ ငါးသားအုပ်ကြီးပါ..ငါးခူအုပ်ဆိုတာ ကြည့်တာနဲ့ သိပါတယ် မည်းမည်းနဲ့ ငါးသားလေးတွေ လဲ အများကြီးပါ... အဲ့ဒီအောက်မှာ ငါးမကြီးရှိပါတယ်..ငါးအမ များဟာ အထီးများထက် အကောင်ကြီးကြပါတယ်...သားချ ထားလို့
ပိန်တော့ ပိန်တတ်ပါတယ်…

“အင်း ငါးသားလေးတွေ ကကြီးတော့ တီနဲ့ ချလို့ကတော့ သူတို့ ၀ိုင်းစားကြတာနဲ့ ကုန်မှာ ပဲ ပိုးဟပ်နဲ့ မျှားမှ”

ကျနော့် စိတ်ကူးနဲ့ ကျနော် အစာချလိုက်ပါတယ်…ငါး အမေ ကြီးရဲ့ ဟာ သူတို့သားအုပ်ပေါ် ဖြတ်ပြေးတဲ့ မွေက အစ ဟပ်ပါတယ် ..။ သားသမီးကို ကာကွယ်တတ်သောမိဘ တွေရဲ့ ပုံစံ အမှန်ပါ..။ကျနော့် အစာကိုလဲ တန်းပြီးဟပ်ပါတယ်..။

ကျနော် ငါးအမေ ကြီးကိုဆွဲတင်လိုက်ပါတယ်..အားပါးပါး ဒီတစ်ကောင်က ပိုတောင်ကြီးပါသေးတယ်..ကျနော် ရဖူးတဲ့ ငါးခူတွေ ထဲမှာ ဒီအကောင်လောက်ကြီးတာတော့ မတွေ့ဖူးပါတကောင်တည်း နဲ့တင် ၅၀ သားကျော်လောက်ရှိပါတယ်…။

ကျနော် ငါးတွေကို ကြေးနန်းကြိုးနဲ့ သီပြီး ပြန်ဖို့ပြင်လိုက်ပါတယ်…။ငါးအုပ်ကို ပြန်ကြည့်မိတယ်…သူတို့ အရင်လို မိခင်နောက်ကို
အုံခဲပြီးလိုက်နေ သလိုမျိုး တစုတဝေးထဲ ဖြစ်မနေတော့ပါ..ဦးတည်ရာမဲ့လျောက်သွားနေပါတော့တယ်…ဒီထဲမှာ တချို့က ကံကောင်းပြီး အသက်ရှင်နိုင်သလိုတချိုကျတော့လဲ ငါးအကြီးကြီး တွေရဲ့ အစာ ဖြစ်သွားမှာပါ…အော် သူတို့ မိဘမဲ့ဖြစ်သွားပြီကိုး…။
………………………………………………………………………………………………..
“အမေရေ အမေ အမေ..”

"ဟဲ့ သားလေး ဘယ်တွေ လျောက်သွားနေတာလဲ မိုးရွာနေတာကို "

“အမေ သားငါးခူ ဖမ်းလားတယ်”

“ဟယ်ကြည့်စမ်း သား အမေဘာပြောထားလဲ သူများအသတ် မသတ်ရဘူးလို့ ပြောထားတယ်လေအမေ့စကား ကိုနားမထောင်ဘူးပေါ့ …ဟုတ်လား ကိုဇင်”

“သားက အမေ့ကို စွတ်ပြုတ်လုပ်တိုက်ချင်လို့ပါ..အမေ နေကောင်းကာစ ဆိုတော့အားရှိအောင်ပါ..”

အမေက ကျနော့်ကိုကြည့်ရင်း မျက်ရည်ဝဲလာပါတယ်…

“လာ သားလေး ခေါင်းတွေ သုတ်စမ်း ဖျားတော့မှာပဲ ဒီကလေးကတော့…”အမေ ကျနော့် ကို မဆူ ရက်တော့ ပါ...။

“အမေ ငါးခူကို ရွက်ယိုရွက်နဲ့ ချက်စားရအောင်နော် ..ပိုတာကို အမေ့အတွက်စွတ်ပြုတ်လုပ်ပေးမယ်..”

“အမယ် နင့်ငါးခူ ကဘယ်လောက် ကြီးလို့လဲ..”

ကျနော်လဲ အိမ်ဘေးက စဉ်းအိုးဘေးမှာ ချထားတဲ့ ငါးခူနှစ်ကောင်တွဲကိုလက်ညိုးထိုးပြလိုက်ပါတယ်..

“ဟိုမှာလေ..”

“ဟယ်တော့ အကြီးကြီး ပဲ…သားလေး အိမ်မှာ ထမင်းချက်ထား ဒီအချိန် ဆိုဈေးမကွဲသေးဘူး အမေး ဈေးမှာ သွားရောင်းလိုက်မယ်…”

“အမေ့…..ငါးခူနဲ့ ရွက်ယိုရွက် လေ….”

“သားလေး အိမ်မှာဆန်ကုန်နေပြီလေ..ဒါလေးရောင်းရရင် အဆင်ပြေမှာ..သားကလိမ္မာပါတယ် နောက်မှ အမေအဆင်ပြေရင် သား စားချင်တာချက်ကျွေးမယ်လေ..အော်နောက်တစ်ခါတော့ အဲ့လိုငါးထွက်မျှားတာ အမေခွင့်မပြုနော် သားလေး …ကို့ရဲ့
အခက်ခဲ အတွက် သူများ အသက်ကို သတ်တာ သိပ်အောက်တန်းကျတယ် နော်သား”

“ဟုတ် ကဲ့ပါ အမေရဲ့..အမေ မြန်မြန်ပြန်လာနော် နေကောင်းသေးတာလဲ မဟုတ်ဘူး”

“အေးပါသားရဲ့ အမေ နေကောင်းနေပါပြီ..ထမင်းချက်ထားနော်..”

အမေက ပြောရင်းနဲ့ ဇလုံထဲကို ချိန်ခွင်တွေ ဓါးတွေ ၊ ငါးတွေ ထည့်ပြီးခါးစောင်းတင်ရွေ့ ထွက်သွား ပါတော့သည်..။
……………………………………………………………………………………….
“ငါးခူတွေ ရမယ် ငါးခူတွေ လတ်တယ်နော်…လတ်တယ်…”

သူမအသံမှာ အားလုံးဝ မရှိပါ…သူမဘေးမှ အသံစာစာဖြင့်အော်ရောင်းနေသောတခြားငါးသည် တွေရဲ့ အသံကို ဖုံးသွားအောင်လဲ သူမ
မအော်နိုင်ပါ…ဒါပေမယ့်သူမ အဆက်မပြတ် အော်နေပါတယ်...။

“ငါးခူတွေ ရမယ် ငါးခူတွေ”

“အမကြီးဈေးကောက်…”

“အဲတော့ မောင်လေးရယ် အမမှာ တစ်ကျပ်မှ ကိုမရှိတာပါ…”

“ခင်ဗျားတို့ ကလဲ ပြောလိုက်ရင်အဲ့လို ကြီးပဲ ကျူပ်တို့ကလဲကောက်ချင်လို့ကောက်နေတာ မဟုတ်ဘူးဗျ ကောက်ခိုင်းသလောက်
မရရင်အိပ်စိုက်ရမှာဗျ”

“အေးပါ ကွယ် အမ ငါးရောင်းရရင် ပေးပါ့မယ် ပြန်လာခဲ့ နော်…”

ဈေးကောက် ကောင်လေးမှာ မကျေမနပ်ဖြင့် ထွက်သွားပါတော့တယ်..အော်သူလဲသူ့ဒုက္ခနဲ့ သူပဲလေ..
…………………………………………………………………………………………..
“အမေ သမီး ငါးခူ ကြော်စားချင်တယ်…”

“ဟုတ်လား သမီးစားချင်ရင် အမေကြော်ကျွှေးမှာပေါ့ ဒီအချိန်က ငါးခူရပါ့မလားတောင် မသိဘူး…”

“အမေ အကြီးကြီး ကိုကြော်စားချင်တာနော်…”

“အေးပါ တွေ့ရင် အမေ ၀ယ်ပါ့မယ် သမီးကလဲ..”

“မေမေ ဟိုမှာ နှုတ်ခမ်းမွေးကြီးနဲ့ …ဟိုမှာ ငါးခူတွေ..”

“ဘယ်မှာလဲ သမီးရဲ့ အော် ဟိုမှာ လာလာ သမီး..”

ပျံကျဈေးပေမယ့် လဲ ဈေးဝယ်လို့ ကောင်းလို့ ဒီဈေးကိုပဲ လာလာဝယ်ဖြစ်ကြပါတယ်…ဒီနေ့လဲ ဒေါ်သွယ်တယောက် ကိုယ်တိုင်
ဈေးဝယ်ထွက်လာခဲ့ပါတယ်..ဒီမြို့နယ်မှာတော့ ဒေါ်သွယ်တို့က လူချမ်းသာစာရင်းဝင်တွေ ပါ..။

“ဟိတ်.. ငါးခူ ဘယ်ဈေးလဲ …”

“၈၀ ပါ အမ…”

“ဟဲ့ ညည်းဟာက များလှချီလား လျော့ပါဦးဟ…”

“အမ ရယ် ငါးခူဈေးက ၁၀၀ ပါ ညီမက ခေါင်းရွက်ဗျက်ထိုးဈေးသည်မို့လို့လျော့ရောင်းတာပါ..”

“နင့်ငါးခူတွေ ကလဲ ကြီးလှ ချီလား ဘုရားငါးခူတွေ ဖြစ်နေမယ်နော်…”

“မဟုတ်ပါဘူး အမရယ်…ကျမသားလေးကိုယ်တိုင် အိမ်ရှေ့ ကန်ကြီးထဲက မျှားလာတာပါ..”

“အမလေးနော် လိုက်လဲ လိုက်တဲ့သားအမိပဲ ကဲကဲနှစ်ကောင်လုံးချိန်လိုက်…အလေးမခိုးနဲ့နော်…”

“စိတ်ချပါ အမရဲ့… အားလုံး ၉၅ ကျပ် သားပါ အမ ၉၀ သားပဲ ထားလိုက်ပါ့မယ် ရ၂၀ ပါ..”

“၇၀၀ ပဲထားလိုက် ရော့ ..ကိုင်ပေးဦးနော်…”

“ဟုတ်ကဲ့အမ ..”

သူမ ငါးကိုအချွှဲ ချွတ် ပြီး ဆူးတောင်တွေ ခုတ်ပေးလိုက်ပါတယ်…။ကုန်ပြီ ပြန်ရုံပါပဲ..သူမပါလာသော ပစည်းများကို အလျင်အမြန် ကောက်သိမ်းလိုက်ပါတယ်..။သူမရဲ့လှုပ်ရှားမှု မှာ ပေါ့ပါးလွန်းလှပါတယ်…။လက်ချိုးခြေခတ် ခပ်သွက်သွက်ဖြင့်
ကခတ် နေသော ကချေသည် မလေးနှင့်ပင်တူနေပါတော့သည်..။

“သားလေးတော့ ဆာနေတော့ မှာပဲ..”

သူမ ကုန်စုံဆိုင် ကို အပြေးလေး သွားရင်း ပဲနဲ့ ဆန်ဆီအနည်းငယ်ဝယ်လိုက်ပါတယ် ဈေးထဲ ကို ပြန်ပြေးပြီး ဘူးသီးတစ်လုံးလဲ
ဝယ်လိုက်ပါသေးသည်…ညနေစာအတွက် ကတော့ လမ်းထိပ်ထမင်း ဆိုင်မှာ ပဲ ၀က်နံရိုးတစ်ရာဖိုးနဲ့ ငါးပိရည်တို့စရာ များဝယ်လာလိုက်ပါတယ်..

“အင်း သားလေး ကျေးဇူးနဲ့ နက်ဖြန်တော့ ဘူးသီးကြော်နဲ့ ဘယာကြော်လေးပြန်ထွက်နိုင်မယ်ထင်တယ်..”

သူမ နေမကောင်းဖြစ်တဲ့ တပတ်မှာ အိမ်စရိတ် ဆေးဖိုးနဲ့ သူမရဲ့ လက်လုပ်အကြော်ဆိုင်လေး အရင်းပြုတ်သွားခဲ့တာပါ..
……………………………………………………………………………………..
“ဆရာမ ..”

“ဆရာမ”

ဒုတိယ မြောက် ခေါ်သံနဲ့အတူ မည်သည့်စာရင်းတွေ လုပ်နေသလဲ မသိသောကျနော့်၏အတန်း ပိုင် ဆရာမ မျက်လွှာပင့်ပြီးတော့
ကျနော့်ကိုကြည့်ပါတယ်..ပြီးတော့ မှ ကျနော့်ရဲ့ ဟောင်းနွမ်းနေသောကျောင်းဝတ်စုံနဲ့ ပုံစံခပ်မှိုင်းမှိုင်းကို မြင်မိပြီး ရွံ သလို ကိုယ် ကို
ရို့ သွားပါတယ်..

“ပြော ဘာလဲ..”

“ဆရာမ ကျနော့် အင်္ဂလိပ်စာ အမှတ်တွေ က ပေါင်းတာ မှားနေလို့…”

“ပြစမ်း ဘယ်နားမှားလို့လဲ ဆရာမ သေချာပေါင်းထားတာပဲ”

“ဒီမှာ ဆရာမ (၇) မှတ်တန် နှစ်ပုဒ်နဲ့ (၆ )မှတ် တန် တစ်ပုဒ် လေသားအကုန်မှန်တဲ့ဟာကို ဆရာမက ၁၀ မှတ်ပဲရေးထား ပြီးတော့ ပေါင်းထားလို့…”

“အာ ဟုတ်သားပဲ ကြည့်ဦး ဆရာမ ကလဲ အလုပ်တွေ ရှုပ်နေတာနဲ့ သေချာတောင်မကြည့်မိဘူး..သားကလဲ အခုမှ လာပြောရလား အမှတ်တွေ ကရီပို့ ကတ်တွေ ထဲတောင်ရောက်နေပြီ..”

“သားတို့ အဖြေလွာစာအုပ်က မနက်ကမှရလို့ပါ ဆရာမ…”

“အော် အေးအေး သားနာမည်က ဘယ်သူ ဇင်ယော် နော်..သားက တော်သားပဲအဆင့်လေးတဲ့…တော်ရောပေါ့သားရယ် အဆင့်လေးဆို ရှေ့ဆုံးတန်းမှာထိုင်ရမှာနော်…”

“ဆရာမ ဒီတဟ်ပါတ် အဆင့် တစ်က ဘယ်သူလဲ ဟင် “

“အော် ဒီတပါတ် က ကျော့ကေသွယ်ရတာ..”

သြော် ကျောင်းဆင်းရင် ကားဖြင့်လာလာကြို တတ်သော သဌေးမကြီး ဒေါ်သွယ်ရဲ့ သမီးကိုး..အဲ့ဒီကားဖြင့် ကျောင်းဆင်းတိုင်း ဆရာမလဲ ပါပါ သွားတတ်တာ ကိုတွေ့ဖူးပါတယ်..

“အကယ်ရွှေ့ အခုလိုနေတဲ့ ၁၀ မှတ်ကို ထည့်ပေါင်းရင် သားအဆင့်ဘယ်လောက်ရမလဲ ဟင်..”

“အင်း သားက တစ်ပေါ့ ဒါပေမယ့် ပေါင်းလို့ မရတော့ ဘူးသားရဲ့ နောက်တစ်ပါတ်မှ အဆင့် တစ်ယူတော့နော်…”

“ဟုတ်…”

ဟုတ်လို့သာ ပြောရတာ သိပ်တော့ မကျေနပ်ချင်လှပါ ..ကျနော်က အရင် လပါတ်လေးတွေမှာ အမြဲတမ်း အဆင့်တစ်ရခဲ့တာပါ ဒါပေမယ့် ကျနော့်နေရာက တတိယတန်းပြတင်းပေါက် အစွန်ကနေ လုံး ၀မတတ်ပါဘူး ကျနော့်ပုံစံ နဲ့ရှေ့ဆုံးတန်းထိုင်ရင် A ခန်ဂုဏ်ငယ်မယ်လို့ ထင်လို့နေမှာပါ..ဒီတစ်ခါဖြေထားတဲ့ စာမေးပွဲက ပထမ အစမ်း စာမေးပွဲ ကြီးပါ ..ဒီစာမေးပွဲ မှာ အဆင့် (၁) ရတဲ့ လူတိုင်းကို ကျောင်းအုပ်ကြီးက ဆုချ မြဲပါဒါကြောင့်ကျနော် လိုချင်ခဲ့တာ ပါ ခုတော့ မရနိုင်တော့ ပါတဲ့လေ..ဘာလို့
မရနိုင်ပါလိမ့်လို့ တွေးနေရုံကလွဲရွေ့လဲ ကျနော် ဘာမှ မတတ်နိုင်ပါ..။
…………………………………………………………………………………………….
“အမေ့..

“ဟဲ့ ပလုပ်တုတ် အမလေး လန့်လိုက်တာနော် သားလေး ကျောင်းကပြန်လာပြီလား…”

“အမေရောင်းကောင်းလား …”

“ကောင်းပါ့တော် အခု ဘယာကြော်လေး နည်းနည်းကျန်နေလို့ စောင့်နေတာတယောက်စာပဲ ကျန်တော့တယ်..သားလေးဗိုက်ဆာရင် ထမင်းစား လေ အမေချဉ်ပေါင်ကြော်ထားတယ်..”

“ဟာရှယ်ပဲ အမေ ပုဇွန်နဲ့ရောကြော်ထားတာ လား ၀က်သားနဲ့ ရောထားတာလား"

အမေက ပြန်မဖြေပါ ကျနော့်ကို မျက်လုံးပြူးပြီး အံကြိတ်ပြပါတယ်…”

“ဟုတ်ပါတယ်ဗျာ ထမင်းစားဖို့ အသက်ရှင်တာ မဟုတ်ပါဘူး အသက်ရှင်ဖို့ထမင်းစားတာပါ ချဉ်ပေါင်ရွက် ရိုးရိုးနဲ့စားလဲ မသေနိုင်ပါဘူးလေ…”

“ဟွန်း လေသံကတော့ သူ့ အဖေ လေသံ အတိုင်း ပဲ..”

“ဟဲဟဲ အမေ သားမကူတော့ဘူးနော် ထမင်းစားပြီး၇င် သား စာသွားကျက်တော့မယ်…အမေလဲ အဖေ့ကိုသတိ ရမနေနဲ့ဦး..နော်”

“ကြည့်စမ်း ဒီကောင်လေး အမေကို ..”

“ဟားဟ …”

ကျနော်အမေ့ ပါးကိုတစ်ချက်နမ်းရင်း အိမ်ပေါ် ကိုပြေးတက်လိုက်ပါတော့တယ်..။ကျနော်တို့ ကအမေတစ်ခုသားတစ်ခုပါ..
ကနော့်အဖေ ကတော့ လွန်ခဲ့တဲ့ ၃ နှစ်ကဌက်ဖျားရောဂါ နဲ့ ဆေးရုံမှာ အသက် ဆုံးပါးခဲ့ ရပါတယ် ။ ကျနော်ကအလယ်တန်း ကျောင်းသားပဲ ရှိပါသေးတယ်.. သူများကျောင်းသားတွေလို လဲကျုရှင်မယူနိုင်ပါဘူး .. အမေ့ရဲ့အကြော်ဆိုင်ဝင်ငွေ အိမ်လခ ဖိုး စားသောက် စရိတ်နဲ့ ကျနော့် ရဲ့ပညာသင်စရိတ်ကို မနည်း ကျားကန်ထားရတာပါ..ဒါတောင် အမေက ကျနော့်ကိုမြို့နယ်ရှိ အကောင်းဆုံး ကျောင်းမှာ မရမက ကျောင်းထားလို့ပါတ်ဝန်းကျင်ကတောင် မေးငေါ့ကြရပါတယ်..

ထမင်းကြမ်းနဲ့ ချဉ်ပေါင်ကြော် ကိုအစာပြေစားပြီးတာနဲ့ ခေါင်းရင်းအိမ် ကအမကြီးဆီကို ပြေးရပါမယ်…သူက ကျနော့်ကို စေတနာနဲ့ စာပြပေးပါတယ်..သူကိုယ်တိုင်ကလဲ ပထမနှစ် တက္ကသိုလ်ကျောင်းသူပါ.ကျနော်နားမလည်တဲ့စာများကို မေးလို့ရပါတယ်.. သူ့မောင်လေးကလဲ ကျနော်တို့နဲ့ အတန်းတူပါတယ်.နောက်တစ်ခု က သူတို့ အိမ်က မီးရပါတယ် မီးမလာတဲ့ နေ့ဆိုရင်လဲ သူတို့
ကဘက်ထရီအိုးနဲ့ ကြည့်ကြတာပါ ကျတော်တို့ သားအမိမှာက ရေနံဆီ မီးခွက်လေးတစ်ခွက်ပဲ ရှိပါတယ် အဆင်မပြေ လှပါ.. အမေယပ်ခပ်တာကို ခံပြီးစာကျက်ချင်တဲ့ဆန္ဒကတော့ ဆန္ဒ အဖြစ်ပဲ ရှိနေခဲ့ပါတယ်…ကျနော် စာကျက်ပြီးလို့အိမ်ပြန် ပြီး အမေနဲ့ ညနေစာစား မနက်ဖြန်အတွက် အမေ ပြင်ဆင်တာကို ကူ..အလုပ်တွေအားလုံး ပြီးရင်တော့ အမေက ကျနော့်ကိုရင်ခွင်ထဲ ထားပြီးတော့
စကားတွေ ပြောကြပါတယ် အမေက တစ်ခါတစ်လေ ပုံပြောပြပါတယ်သီချင်းဆိုပြပါတယ်…ကျနော့် ဘ၀မှာ အဲ့ဒီ အချိန် ကိုအရမ်း သဘောကျတာပါ..။

တနေကုန်ဘယ်လောက် ပဲ စိတ်ပင်ပန်းတဲ့ဟာတွေ ကြုံ ရပါစေ ကျနော်ရဲ့ အမေ့ရင်ခွင်ဗိမာန် ကို မှာ အားလုံးဖွင့်ချ ပြီးတော့ ညတွေတိုင်း ကို ကျနော်အေးချမ်းစွာ အိပ်စက်ခဲ့ရတာပါ..။

“အမေ…”

“ရှင့်…”
“အမေ သင်္ချာတတ်လား ဟင်…”

“အမေက ၄ တန်းထိပဲ ကျောင်းနေဖူးတာ သားရဲ့..သားလောက်တော့ ဘယ်တတ်မလဲ..”

“အမေ (၇) ရယ် (၇) ရယ် (၆) ရယ်ပေါင်းရင် ဘယ်လောက်ရလဲ …”

“အမယ် အမေက ဈေးသည်ပါနော် အဲ့လောက်တော့ သိပါတယ်..၂၀ ပေါ့သားရဲ့…”

“ဟာ အမေက တော်လိုက်တာ သားတို့ အတန်းပိုင်ဆရာမ က အမေ့လောက်တောင် သင်္ချာ မတတ်ဘူး…”

“ဟိတ် ကို့ ဆရာသမား ကိုအဲ့လိုမပြောရဘူးလေ…”

“အမေသိလား သားဒီတစ်ပါတ် စာမေးပွဲမှာ အမှတ်အများဆုံးရတာ သိလား ဒါပေမယ့်သား အဆင့်က ၄ ပဲ ရတာ ဆရာမ က အမှတ်မှားပေါင်းတာလေ…”

“အော် သားလေးရယ် ဘာဖြစ်လဲ အဆင့် ၄ ရတော့ရော..သားက စာမေးပွဲမှာ အဆင့်ကောင်း ဖို့ စာသင်တာလား ..စာတတ်ချင်လို့ စာသင်တာလား….”

အမေ့စကားကိုကျနော် ဥာဏ်မှီသလောက် တွေးလိုက်ပါတယ်..

“ဟုတ်တယ်နော် အမေ ကျောင်းတတ်တယ်ဆိုတာ တကယ်တန်းတော့ စာတတ်ဖို့ပဲ နော်…”

“ဟုတ်တယ် သားလေးရဲ့ စာကိုပဲ တတ်အော်သင်နော်..ငါ့သားလေးကို အမေက အဲ့ဒီကျောင်းမှာထားတာ စာတတ်စေချင်လို့ အဆင့်ကောင်းစေချင်လို့ မဟုတ်ဘူး..”

“ဟုတ် ..”

ထိုကဲ့သို့ အမေ သည် ကျနော့် အား ကျောင်းမှ သင်ပေးသော ကျောင်းစာများထက်ပိုရွေ့ ခက်ခဲပြီး နားလည်ရန်လဲ ခက်ခဲသော ဘ၀ သင်ခန်းစား များအား ညစဉ်ညတိုင်း ပို့ချ ခဲ့ပါတယ်..။
…………………………………………………………………………………………………..
ဝါတွင်းကာလဥပုဒ် နေ့မို့ အိမ်တိုင်းမှ အဖိုးအဖွားများနှင့်အိမ်ရှင်မများဥပုဒ် သီလယူရန် ရက်ကွက်ဓမာရုံ သို့ သွားနေကြ ပါတယ်..ကျနော့်အမေကတော့ ချွှေးတစ်လုံးလုံးနဲ့ အကြော်တဲ့လေး ထဲမှာ အလုပ်များနေပါတယ်…

“အမေ ဥပုဒ် သွား မစောင့်ဘူးလား…”

“သားလေးရယ် အမေ တို့ တနေ့လုပ်မှ တနေ့စားရတာ ..”

“ဟာ အမေကလဲ သားလဲ အကြော်ကြော်တတ်နေတာ ပဲကို ပြီးတော့ ဥပုဒ်နေ့ဆိုကျောင်းပိတ်နေကြ ပဲလေ..သား အမေ့ကို ကုသိုလ် ပြုပြီးတော့အကြော်ကြော်ပေးမယ် လေ နော်အမေ…”

အမေက ကျနော့်ကို တွေတွေလေး ကြည့်လို့ ပြုံးနေပါတယ်..

“သား ရယ် အမေ့လဲ ဥပုဒ်ယူပြီး တနေကုန် စေတီလေးမှာ တရားမှတ်ချင်တာ ပေါ့..ဒါပေမယ့် အမေ့မှာ မှာ ယောဂီ ထည်လေးတောင် မှမရှိတာ အကြော်ဆီတွေ ပေနေတဲ့အင်းကျီနဲ့ ဆို အမေ့ကို နှာခေါင်းရှုံ့ ကြမှာပေါ့ ကလေးရဲ့…အမေ့ဘာသာအိမ်မှာ ဘုရားရှိခိုး တရားထိုင်လဲ အဆင်ပြေပါတယ် ငါ့သားလေးကကုသိုလ်လိုချင်တယ် ဆိုရင် စာကိုကြိုးစား သင့်ပေါ့ နော်…အမေကလေ ဘယ်လောက်
ပဲ ပင်ပန်းပင်ပန်း ငါ့သားလေးကို သားသူငယ်ချင်းတွေ က စာလာမေးတဲ့ အချိန်ဆိုသြော် ငါ့သားလေးက သူတို့ထက် စာကို ကောင်းကောင်း သင်ယူတာပဲ ဆိုပြီးပိတိနဲ့ အမောတွေ ပြေသွားရော..”

“သားက အိုအေစစ် လေးပေါ့နော် ဟုတ်လား အမေ..”

“ဘာလဲ အိ်ုအေစစ်..”

ဟိုဟာလေ ရေသန့်ဗူး ကိုပြောတာ..

“ဒါပေါ့ ငါ့သားလေးက အမေ ကို အမောပြေစေတာပေါ့..”

ဟေးးးး…ဟားဟား

ကျနော် နှင့် အမေ့ရဲ့ ရယ်သံများ အကြော် တဲလေးထဲမှာ ဆူညံနေခဲ့ပါတယ်..
………………………………………………………………………………………………

“အဒေါ် အဲ့ဒီ ယောဂီထမီလေးက ဘယ်လောက်လဲ ဟင်…”

“အဲ့တာက အစုံလိုက်အပ်မှ ချုပ်ပေးတာ ကောင်လေးရဲ့ အင်းကျီရော တဘက်ရောလေ ၃၅၀၀ ..”

“၃၅၀၀ တောင်လား .. ဟုတ် နောက်မှ ၀ယ်တော့မယ် နော်…”

“အေးပါအေးပါ…”

အထည်ဆိုင်မှ အမကြီးက ကျနော့်ကိုမယုံသလိုနှင့် ပြုံး စစပြောပါတယ်…ကျနော့်စိတ်ထဲမှာတော့ အမေ့ကို ယောဂီထည်လေး မရမက ၀ယ်ပေးချင်နေခဲ့ပါတယ်…စာသင်ခန်းထဲ ရောက်တာတောင် စိတ်ကူးထဲက ယောဂီဝတ်စုံ လေးနဲ့ အမေ့ကိုမျက်စီထဲက မထွက်ပါ..

“ဒီနေ့ ဆရာမကြီးက ဆုတွေ လိုက်ပေးမယ်တဲ့ ဟိုမှာ ကျော့်ကေသွယ်တို့ အိမ်ကဓါတ်ပုံဆရာတောင် ခေါ်လာတယ် တွေ့လား…”

ဘေးနားမှ ကျနော့် သူငယ်ချင်းတယောက်ရဲ့ အသံကြောင့် လက်ရှိအခြေနေကိုပိုစိတ် ၀င်စား မိပါတယ်..

“ဘာလို့ဖို့လဲဟ ဓါတ်ပုံဆရာ…”

“အာ မင်းကလဲ အဲ့တာ သူ့သမီးဘယ်လောက်တော်လဲ ဆိုတာ ကို ဓါတ်ပုံရိုက် အိမ်မှာအကြီးချဲ့ ပြီးချိတ်ထား မှာပေါ့ ဧည့်သည်လာတော့ ကြွားလို့ရတာပေါ့..ကွ…”

“အော် အဲ့လိုလား…”

ကျောင်းအုပ်ဆရာမကြီးက ကျော့ကေသွယ် ကို ကျောင်းသုံးဗလာစာအုပ် ဘောပင် ခဲတံနှင့် တခြားကျောင်းသုံး ပစည်းများကို ဆုချ ပါတယ်…။ အခန်းထဲ မှာကျော့ကေသွယ် တို့က ပိုက်ဆံရှိအသိုင်းအ၀ိုင်းမို့ ကျောင်းသုံးပစည်းတွေဆိုလျှင် အသစ်အဆန်း နောက်ဆုံးပေါ်တွေ သုံးတတ်လွန်းလို့ ကျနော်တို့ ငေးကြရစမြဲပါ..။

အကောင်းဆုံးနဲ့ အချော့မွေ့ဆုံး စာအုပ်တွေကိုသာ သုံးတတ်တဲ့ ကျော့်ကေသွယ်တယောက်.. ကျောင်းအုပ်ဆရာ မကြီး ဆုချတဲ့ ကျောင်းသုံး ဗလာစာအုပ် များကိုဘာလိုအသုံးချမလဲ ဆိုတာကို အနားလိပ်နေပြီဖြစ်သောကုန်ခါနီးကျနော့်သင်္ချာစာအုပ်
၏ အနားစများကို ပြန်ဖြန့်ရင်း တွေးမိပါတော့ သည်..။
………………………………………………………………………………………………
“အမေ..”

“ပြော သားလေး…”

“လူတွေ ကလေ ပိုက်ဆံ ရှိမှ အထင်ကြီးကြတာလားဟင် … သားတို့ အခန်းထဲကကောင်မလေး တယောက်ဆို သူ့မိဘတွေ ပိုက်ဆံ ရှိတော့ သူ့ကိုဆို လူတိုင်းကအားကျ အထင်ကြီးကြတယ် …”

“သား က လူအထင်ကြီးတာ လိုချင်လို့လား…”

“အဲ့တာ မကောင်းဘူးလား အမေ ရဲ့…”

“သားရဲ့ လူ့ဘ၀မှာ လေ လူတွေအထင်ကြီးတယ်ဆိုတာ က အပေါ်ယံပဲ သားရဲ့ပိုက်ဆံရှိရင် အထင်ကြီးတယ် ဂုဏ်ရှိန်တွေ ရှိနေရင် အထင်ကြီးတယ်…အဲ့တာတွေကတကယ်တော့ ဘာမှ အနှစ်သာရ မရှိဘူးသားလေးရဲ့…လူ့ဘ၀မှာ သူများက ကို့ကို
အထင်ကြီးဖို့ ထက် ကို့ကိုကို အထင်ကြီးဖို့က အရေးကြီးတယ်ကွယ့်…”

“ကို့ကို ကို အထင်ကြီးဖို့ ဟုတ်လား အဲ့တာ ဘယ်လိုမျိုးလဲ…”

“လူတိုင်းက ကို့ရဲ့ လုပ်ဆောင်ချက် မှားလား မှန်လားဆိုတာကို ကိုယ်ကိုတိုင်ပဲ သိတာလေ ကို့ အကြောင်းကို ကိုပဲ အသိကြဆုံးလေ…အဲ့ဒီတော့ ကို့ရဲ့လုပ်ဆောင်ချက်ဟာ အထင်ကြီးဖို့ ကောင်းလား မကောင်းဘူးလား ဆိုတာလဲကိုယ်ကိုယ်တိုင် ထက် ဘယ်သူမှ မသိနိုင်ကြဖူးလေ အဲ့ဒီ တော့ သားလေး ဘာပဲလုပ်လုပ် ကို့ကိုကို အထင်ကြီး နိူုင်မဲ့ အလုပ်တွေ ပဲဖြစ်ရမယ် သူများတွေ
အထင်ကြီးတာ အထင်သေးတာတွေ ကြည့်မနေနဲ့ ဟုတ်ပြီလား..”

“ဒါဆို သား သူများတွေ အထင်ကြီးအောင် မနေတော့ ဘူး.. ကို့ကိုကိုအထင်ကြီးအောင် ပဲနေတော့မယ် …”

“ဒါပေါ့ သားလေးရဲ့ …”

“အော် အမေ ဒီနေ့ အမေ အကြော်တွေ အစောကြီးကုန်သွားတာလား…”

“မဟုတ်ဘူး သားလေးရဲ့ အမေ အကြော်တွေ ကို လိုက်ရောင်းလိုက်တာ…”

“ဟာ အမေ ကလဲ ပင်ပန်းမှာပေါ့ ကို့ဘာသာ ဆိုင်မှာ ထိုင်ရောင်းပါ လား အမေရဲ့…”

“အမေလဲ အဲ့လိုပဲ ရောင်းချင်တာပေါ့ သားလေးရယ် နေ့လည်က စည်ပင်က လာပြောတယ်အမေ့ အကြော်တဲက သူတို့ နယ်မြေထဲ ရောက်နေလို့တဲ့…မနက်ဖြန် ကျရင် အကြော်တဲဖျက်ရမှာ …”

“ဟင် ဒါဆို အမေနေ့တိုင်း အကြော်ဗန်း ရွက်နေရမှာပေါ့..အမေရယ်…”

“ရပါတယ် သားရယ် အမေ အရင်ကလဲ အဲ့လို ရောင်းဖူးပါတယ်…”

ကျနော် တကယ် စိတ်မကောင်းဖြစ်မိပါတယ် အမေ အစောကြီးထ အကြော်တွေ ကြော်ပြီးတော့ ဗန်းထဲ ထည့် ပြီး အကြော်တွေ မကုန်မချင်း အသံတွေ နာအောင် အော်ပြီးရောင်းရမှာ…။

“ အဲ့ဒီ စည်ပင် နယ်မြေ တွေ ကလဲ နေရာ တကာပဲနော်..သူတို့ ၀ယ်ထားတာကြနေတာပဲ…သူတို့နယ်မြေတွေလို့သာ ပြောတာပါ လမ်းထိပ်က ဘီယာ ဆိုင် ကြီးကျတော့ စည်ပင်သာယာ နယ်မြေဆိုတဲ့ ဆိုင်းဘုတ် ကြီး ကို ခွဆောက်ထားတာအဲ့ဒီဆိုင်ကိုကျတော့ မဖျက်ခိုင်းဘူး … ဟွန်း တော်တော် တရားတယ်နော် အမေ..”

“သားလေး ကလဲလေ … လောကမှာ က အမှန်တရား ဆိုတာ နေရာတိုင်းမှာရှိနေပါတယ်သားလေးရဲ့ မတရားမှုဆိုတာ ရှိသလို တရားမှု ဆိုတာလဲရှိတာပဲလေ …သားလေးက လောကမှာ ဘယ်ဟာက အမှန်တရား ဆိုတာ သိသွားတဲ့တနေ့ အမှန်တရား ဘက်မှာ
ရပ်တည်ရဲတဲ့ တနေ့ အမေ့သားလေး လူပီသတဲ့ နေ့ပဲ..အမှန်တရားကို မသိချင်ဆောင်ဆောင်နေသရွေ့တော့ ငါ့သားလေး လူနုံ လေး တယောက် ဖြစ်နေမှာပဲ..”

“ဟာ အမေကလဲ သား လူနုံလူအလေး တော့ အဖြစ် မခံနိုင်ပါဘူး အမှန်တရားကိုသိအောင်လုပ်မှာ..”

“ဒါပေါ့ သားလေးရဲ့ သားလေး အမှန်တရားကိုသိအောင်လို့ အမေက ကူညီပေးမှာပေါ့…”

“ဟုတ် ..”

ကျနော် အမေ့ ရင်ခွင် ထဲကို တိုးဝင်ရင်း စိတ်ကျေနပ်စွာမှေးစက်လိုက်ပါတော့တယ် .. …………………………………………………………………………………………………..
“ပညာရေးမှုး လာ မယ်တဲ့…”

“ဟုတ်လား…”

ကျနော် အံ့သြစွာ မေးမိပါတယ်… ကျနော်တို့ အလယ်တန်း ကျောင်းသား ဘ၀ ရောက်တဲ့အထိ ပညာရေးမှုးဆိုတာကို မတွေ့ ဖူး စကား မပြောဖူးပါ..ပညာရေးမှုးတွေ ဟာ ကျောင်းအုပ်ကြီးလိုက်ပြတဲ့ အခန်းတွေကိုပဲ လိုက်ကြည့်ပြီးပြန်သွားကြတာလား မသိပါ..

“ကျော့်ကေသွယ် က ပညာရေးမှုးကို အင်္ဂလိပ်နှုတ်ဆက် ရမှာ လေ ငါ့တို့ အခန်းကိုလာစစ်ခဲ့ရင်ပေါ့..လာမယ်လဲ မထင်ပါဘူး …”

ကျနော့် သူငယ်ချင်းက ဝေဖန်လိုက်ပါတယ်..။

“ဟရောင် ဇင်ယော် မင်း အင်းကျီက ကျောင်းစိမ်း ရော ဟုတ်ရဲ့လား

ကျောင်းဘက်တောင် မပါဘူး ..ဒီနေ့ ပညာရေးမှု လာပါမယ်ဆိုမှ …”

“ အေးကွာ ငါ့အင်းကျီ ကလျော်ထားလို့ မနှစ်က အင်းကျီ ကိုပြန်ဝတ်လာတာကျောင်း တံဆိပ် က ဘယ်ကတည်း က ပြုတ်နေမှန်းတောင် မသိတော့ဘူး…နေပါဦးဟငါမသိလို့ကျော့ကေသွယ် က အင်္ဂလိပ် ကောင်းကောင်းပြောတတ်လို့လားဟ…”

“မနေ့က ဆရာမ နှုတ်တိုက် သင်ပေးထားတယ်လေ … ဟိုမှာတွေ့လား ဗီဒီယို ကင်မရာသူစကားပြောနေတာကို ရိုက်ဖို့တဲ့ …”

ကျနော် ပြုံး လိုက်မိပါတယ် အမေပြောတဲ့ လူတွေ အထင်ကြီးအောင်ထက် ကို့ကိုကိုအထင်ကြီးအောင် နေဆိုတဲ့ စကား ကိုလဲ ပြန်အမှတ်ရမိပြန်ပါတယ်…။ပညာရေးမှုးက တကယ်ပဲ အခန်းကို ရောက်လာပါတယ်…ပညာရေးမှုး ကိုကြောက်လို့ကျောင်းသားတွေလဲ အသံတိတ်နေတာမှ အပ်ကျသံ တောင် ကြားရလောက်ပါတယ်…ကျော့ကေသွယ် ကတော့ အင်္ဂလိပ် နှုတ်တိုက် သင်ထားသော နှုတ်ဆက်ပုံနှုတ်ဆက်နည်းတွေ နဲ့ ရွှန်းရွှန်းဝေအောင် ပြောနေပါတော့သည်..

ပညာရေးမှုးဆိုတဲ့ ဆရာကြီးကလဲ ပြုံးလျက်နားထောင်နေပါတယ်…

“သမီးက ဒီအခန်းထဲမှာ စံပြ ကျောင်းသူထင်တယ်..”

“ဟုတ်ပါတယ် ရှင့် …”

အတန်းပိုင်ဆရာမက ၀င်ပြောတာပါ…ပညာရေးမှုး ကခေါင်းညှိတ်လျက်..

“အင်း ဒါဆို အဘကို သမီးတို့ အတန်းမှာ သင်ခဲ့ရတဲ့ The Last Leave ဆိုတဲ့အင်္ဂလိပ် ဇာတ်လမ်းလေး အကြောင်းကို သမီးခုနက အဘကို နှုတ်ဆက် သွားသလို ပဲအင်္ဂလိပ်လို သမီးမှတ်မိသလောက် ရှင်းပြ ပါလား…”

သွားပြီ ကျော့ကေသွယ် တယောက် မှိုင်သွားပါသည်..တော်တော်လဲ ကြောက်နေပုံရပါတယ် အတန်းပိုင် ဆရာမကို အားကိုးသလိုကြည့် နေပါသည်..။ဆရာမလဲ မျက်နှာအလွန့်အလွန် ကိုငယ်နေပါသည်..။ပညာရေးမှု က အခြေနေ ကိုချက်ချင်းသဘောပေါက်သွားပုံပါ..

“ကဲ ဒါဆို သားတို့ သမီးတို့ ထဲ က ဘယ်သူ အဘ ကိုပြောနိုင်မလဲ …”

ရုတ်တရက် ကျနော် လက်ထောင်မလို့ ဟန်ပြင်လိုက်ပြီးတော့မှ ကျနော့်ရဲ့ကျောင်းဝတ်စုံကို သတိပြုမိပြီး ဒီတိုင်းလေးပဲ နေလိုက်ပါတော့တယ်…

“ဘယ်သူမှ မရှိကြဘူးလား .. ကဲကဲ ကလေး တွေ အဘ ကိုမကြောက်နဲ့ နော်ပြောတတ်ရင် ထွက်ပြောကြ…ကလေးတွေ ထဲ က အဲ့ဒီ အကြောင်းကို အင်္ဂလိပ်လိုပြောနိုင်တဲ့ သူကို အဘ က ဆုချမယ်ဗျာ…”

“ကဲကဲ ဘယ်သူပြောမလဲ ဆုတော်ငွေ ၃၀၀၀ ပေးမယ်ကွာ ၃၀၀၀ ..ချက်ချင်းဆုချမှာ …”

ဟင် ၃၀၀၀ ဆိုပါလား.. ကျနော် အားတတ်သွားပါသည်.. ဟာ အမေ့ အတွက်ကျနော်ဝယ်ပေးချင်တဲ့ယောဂီ ၀တ်စုံလေးက ၃၅၀၀ ဆိုတော့ သိပ်တောင်မလိုတော့ပါလား…ကျနော် ဘာမှ မစဉ်းစား တော့ပဲ …လက်ထောင် လိုက်ပါတယ်..

“ဟော ဟုတ်ပြီ တယောက်တော့ လက်ထောင်ပြီ လာလာ အရှေ့ကိုလာပါ…”

“မင်္ဂလာပါ…”

ကျနော် မြန်မာလိုပဲ နှုတ်ဆက်လိုက်ပါတယ်..

“အေးအေး မင်္ဂလာပါ…”

ပညာရေးမှုး က ပြုံးရွင်စွာ ပြောပါသည်..။

“ကဲ သား အဘကို ပြောပြပါ..”

“အဘ ကျနော် ပြောနိုင်ရင် ကျနော့် ကို ၃၅၀၀ ပေးပါ..”

“ဟေ…”

“ဟင်….”

ပညာရေးမှုး ရော ကျောင်း အုပ်ကြီး နဲ့ ဆရာမ များပါ အသံမျိုးစုံ ထွက် လာကြပါတယ်.ပညာရေးမှုးက အေးချမ်းစွာ ပြန်ပြောပါတယ်..

“ကောင်းပါပြီ ကွာ သားပြောနိုင်ရင် သားကို အဘက ၅၀၀၀ ပေးမယ်..”

“ဟင့် အင်း အဘ ကျနော် ၃၅၀၀ ပဲ လိုချင်ပါတယ်…”

ပညာရေး မှုးလဲ ဆုကြေးငွေ ကိုဈေးဆစ်နေသော ကျနော့်ကို အထူးအဆန်း တယောက်လိုကြည့်နေပါတယ်..

“အေးပါကွာ..သား သဘောပါ..”

“ကျေးဇူးတင်ပါတယ်ခင်ဗျ…”

ပညာရေးမှုးအား ရိုသေစွာဦးညွတ်လိုက်ပြီး ကျနော် စပြော လိုက်ပါတယ်

“Su and John were artists. They live with Mr.Barman in NewYork city…”

ကျနော် ပြောသမျှ ကို အဘ နားထောင်ရုံ သက်သက်မဟုတ်ပဲတစ်ပိုဒ်ပြောပြီးတိုင်း အင်္ဂလိပ်လို မေးခွန်း ပြန်ထုတ်ပါတယ်..ကျနော်
ကပြန်ဖြေရပါတယ်..အဘ မေးတော့ မရှင်းလျှင် ကျနော် ကပြန်မေးပါရန် မေတ္တာရပ်ခံ ပါတယ်..ကျနော်နဲ့ အဘ ရဲ့ စကား ပြောနေတာကို အားလုံးငြိမ် ပြီးနားထောင်နေပါတယ်..အဘ က မေးခွန်း လှည့်မေးရင်လဲ ကျနော်က မရမက အဖြေရအောင်
ဖြေပါတယ်..နောက်ဆုံးတော့ ကျနော် အောင်မြင်သွားတယ်..။ ကျနော်လဲ တော်တော်မောသွားပါတယ်။

အဘ ကကျနော့်ကို ချီးကျုးစကား မပြောပါ..အိပ်ကပ်ထဲမှ ၅၀၀ တန် အထပ်လိုက်ကိုထုတ်ပြီးတော့ ၃၅၀၀ ရီပြီးတော့ ကျနော့်ကို ထုတ်ပေးပါတယ် ကျနော်လဲလက်နှစ်ဖက်ဖြင့် ရိုရိုသေသေ ယူလိုက်ပါတယ်…ပြီးတော့ ကို့နေရာကို ပြန်ရန်လှည့်အထွက်..

“သား နေပါဦး..အဘ မသိလို့ သားက အဲ့ဒီပိုက်ဆံ ၃၅၀၀ ကို ဘာလုပ်ဖို့လဲ သားရဲ့..”

“ကျနော့် အမေ အတွက် ယောဂီ ထည် ၀ယ်ပေးချင်လို့ပါ…၃၅၀၀ ကုန်မှာ မို့လို ပါ…”

ကျနော် ပြောတာကို ပညာရေးမှုး က အဓိပါယ် ပေါင်းများစွာ ပါသော မျက်လုံးဖြင့်ကြည့်နေပါတယ်…ကျနော်တော့ အဓိပါယ် မဖော်တတ် ပါ… ညကျမှ အမေ့ကို အဲ့ဒီအဖြစ်ပျက်လေးကို ပြောပြဆွေးနွေးရပါမယ်…။
……………………………………………………………………………………………………
“ အဒေါ် ကြီး.. ကျနော်ယောဂီထည်ဝယ် မလို့…”

“ အန် လူက ဘယ်မှာလဲ လူခေါ်လာမှ တိုင်းလို့ ရမှာပေါ့ ကောင်လေးရဲ့…”

“ ပုံစံက ဟိုအဒေါ် ကြီးလောက်ပဲ..ချုပ်ပေးထားပါ ပိုက်ဆံ ပေးထားခဲ့မယ်…”

ဘေးနားမှာ စက်ချုပ်နေသော အမေ့အရွယ် ကိုယ်လုံးကိုပေါက်နဲ့ အဒေါ်ကြီးတယောက်ကို လက်ညှိုးထိုးပြရင် ပြောလိုက်ပါတယ်…
အဲ့လို မလုပ်ရွှေ့ မဖြစ် …အမေ့ ကိုအသိပေးပါက အမေက လက်ခံမည်မဟုတ်.ကျနော့်ကျောင်းစရိတ် ထဲ ပါသွားလိမ့် မယ်..။ အမေ့ကို လုပ်ပေးချင်တာ လုပ်ပေးခွင့်ရခဲ့ လို့ ကျနော်ပျော်နေ ပါ သည်…။

“ ဟင်…”

ကျနော့် အိမ်ရှေ့ မှာ လူတွေ များလှချီလား…ဘာ ဖြစ်လို့ပါလိမ့်…ကျနော် ဇဝေဇ၀ါ ဖြင့် ခြံထဲ သို့ ၀င်လိုက်ပါသည်…ဟင် ကျော့ကေသွယ်တို့ သားအမိပါလား..ဘာလာလုပ်တာပါလိမ့်…ကျနော်သူတို့သားအမိကို နှုတ်ဆက် လိုက်ပါတယ်..

“ အဒေါ် နေကောင်းတယ်နော်.. ကျနော်တို့ အိမ် ကို ဘာ အကြောင်းရှိလို့ လာတာလဲ မသိဘူး…”

ကျနော် မေးနေတာကို သူ မဖြေပါ..အဲ့ဒီအချိန်မှာ ပဲ ဘေးနားသို့ ကျနော့်ကိုအမြဲ စာပြပေး တဲ့ အမကြီးရောက်လာပါတယ်..ကျနော့် ပုခုံးကို ကိုင်ပြီးတော့လေသံတိုးတိုးလေးဖြင့် ပြောပြပါတယ်..

“ မောင်လေး မမ ပြောပြမယ်နားထောင်နော်..စိတ် အေးအေး ထား..ဒီနေ့ မောင်လေးအမေ က ဈေးရောင်းသွားတယ် အဲ့တာ ကားလမ်းဖြတ်ကူးတော့ ဒီက အဒေါ်ကြီးမောင်းလားတဲ့ကားနဲ့ တိုက်မိတာ ကားကလဲ ဘရိတ်ပေါက်နေတော့ အရှိန်မထိန်း…”

ကျနော် ထို အမကြီး ပြောနေတဲ့ အသံကို မကြားနိုင်တော့ ပါသူ့ကိုတွန်းဖယ်လျှက် အိမ်ပေါ် ကိုအတတ် နိုင်ဆုံးစိတ်ကိုထိမ်းရွေ့
တက်လိုက်ပါတယ်…ကျနော့် နဲ့ အမေ ညဖက်တိုင်း လဲလျောင်းပြီး စကား ပြောနေကျ ကျနော့်ကို အမေဘ၀ အကြောင်းတွေ သင်ပေးနေကြ နေရာမှာ အမေ တယောက်တည်း မလှုပ်မလျက်လဲလျောင်းနေပါတယ်…

“ အမေ…”

ကျနော် ခေါ်နေကြ ပုံစံ အတိုင်းပဲ ရိုးရိုးလေး ခေါ်လိုက်ပါတယ်..အမေ ပြန်မထူးပါ အမေ့ မျက်နှာ ကိုသာ ကျနော် တွေတွေ လေး ငေးနေမိပါတယ်…အမေ ရယ်…. သား ကို အမှန်တရား တွေ့ဖို့ အတွက် ကူညီမယ်ဆို…အမေ ရယ်…. သား ကို ရင်ခွင်ထဲ မှာ မှေးသိပ်ပြီးတော့ လူလောက ရဲ့ သဘောတရားအသစ်တွေ ကို သင်ပေးပါဦး အမေရယ်..

သား တွေ့ကြုံ နေရတဲ့ ဘ၀ အခက်ခဲတွေ နဲ့ သားနားမလည်တဲ့ လူ့လောက ပုစ္ဆာတွေကို ကူညီ ဖြေရှင်းပေးပါဦး အမေ ရယ်…
ကျနော် ၀ယ်ပေးတဲ့ ယောဂီ လေး ၀တ်ပြီး ၀တ်ပြုသွားတာ ကို သား မြင်ချင် သေးတယ် အမေရဲ့..

(((((အမေ့…)))))

ကျနော် စိတ်တွင်းမှ ချုံး ပွဲချ ငိုလိုက်မိပါတယ် မျက်ရည်တော့ကျမလာပါ..တမလွန် ဘ၀ကနေ အမေ တွေ့ရင် စိတ်မကောင်း ဖြစ်ပြီး ကျနော့်ကိုစိတ်မချ ဖြစ်နေမှာ စိုးလို့ပါ..

“ကိုဇင် သားအမေက ဆုံးသွားခဲ့ပြီ…”

ဘေးနား ကရက်ကွပ် ၁၀ အ်ိမ်မှုး က ကျနော့်ကို သတိပေးသလို ပြောပါတယ်..ကျနော့် အမေ မဆုံးပါ ကျနော့် ရင်ထဲမှာ ကျနော့် အမေက အသင်ရှင်မှာပါ ကျနော်အသက်ဆုံး သွားတဲ့အချိန်ကျမှ အမေက တကယ်ဆုံးပါးသွားမှာပါ..ကျနော် အမေ့ မျက် နှာ ကို သေချာ စိုက်ကြည့်နေရင်းနဲ့ ထိန်းထားတဲ့ ကြားမှမျက်ရည်တစ်စက် ကျလာပါတယ်…မျက်စိထဲ မှာလဲ မိခင်ကြီး မရှိတော့ လို့ဦးတည်ရာ မဲ့ ကူးခတ်သွားလာနေသော မိဘမဲ့ ငါးခူ အကောင် ပေါက်လေးများ ကိုပြန်လည် မြင်ယောင် လာမိပါတော့တယ်……………



zhtun


-
Ms.THIRI SOE
Admin and Finance Officer
Tripartite Core Group (TCG )
Periodic Review
Ph:+95-1-225258- Ext 818,
#79, Taw Win Road, Dagon Township
Yangon,Myanmar.

ရှမ်းကလေး (ပို့ ပေးတဲ့ သူငယ်ချင်းကို အထူးကျေးဇူးတင်ပါတယ်။ ဒီပုံပြင်လေး ဖတ်ပြီးတော့ ကျနော်တောင် အားကျတယ်ဗျာ။ အဲ... နောက်ဆုံးခန်းတော့ မဟုတ်ဘူးလေ။ ကျနော်က အမေနဲ့  ငယ်ငယ်ကတည်းက ကွဲသွားတာ။ ပြန်တွေ့ တာ သုံးနှစ်လောက်ပဲ ရှိပါသေးတယ်။ ခုမှတွေ့ တော့ သိပ်မခင်ပဲ အသိလို ပဲဖြစ်နေတယ်လေ။ ဒီပုံပြင်ကို သဘောကျတာကတော့ ကျနော်လဲ အဲလိုမျိုး မိဘ မေတ္တာကို ခံစားချင်တယ်ဗျာ။ ကျနော့်အဖေကလဲ ငယ်ငယ်ကတည်းက ပျောက်သွားတာ အခုဘယ်ရောက်နေမှန်းကို မသိပါဘူး။ ဒီဘ၀ မှာ ဒီပုံပြင်လို မျိုးနွေးထွေးတဲ့ မိဘမေတ္တာကို အရမ်းပဲ ခံစားချင်ပါတယ်။ ဒါပေမယ့်လဲ မဖြစ်နိုင်တော့ဘူးလေ။ ဟင်း............. ကိုယ့်သား၊ သမီးရှိတဲ့ချိန်မှပဲ သူတို့ ကို ဒီလို နွေးထွေးတဲ့ မေတ္တာကို ပေးရင်းနဲ့  ကိုယ့်ကိုကိုယ် ဖြေသိမ့်ရမှာလို့ ပဲ အမြဲ တွေးနေမိ ပါတယ်။ )