ဘန်ကောက်က ရှမ်းနှစ်သစ်ကူးပွဲတော်..

ဒီနေ့ က 22 ရက်နေ့ လေ။ ရှမ်းနှစ်သက်ကူး 2104 ခုနှစ်မြောက်ပေါ့ဗျာ။ ဒီပွဲကို ဘန်ကောက်မှာ ကြီးကျယ်စွာကျင်းပ ပါတယ်။ ကျင်းပတဲ့ နေရာကတော့ ရှမ်းဘုန်းကြီးကျောင်း ၀တ်မိုင် (၀တ်=monastery၊ ဘုန်းကြီးကျောင်းပေါ့။) (မိုင်ကတော့ = အသစ်) ဆိုတဲ့ အဓိပ္ပါယ် ရပါတယ်။

ဘယ်လောက်ကြီးကျယ်လဲဆိုရင် လူပြည့်ကျပ်နေအောင်ပါပဲ။ အဲခက်တာက ဒီနေ့ မှာ ကျနော်က အပြည်ပြည်ဆိုင်ရာအလုပ်သမားအဖွဲ့  ဖြစ်တဲ့ ILO အတွက်သွားပြီး စကားပြန်လုပ်ပေးနေရတဲ့အတွက် ပွဲကိုသွားရောက်မလည်ခဲ့ရပါဘူး။

စကားမစပ်ပြောရမယ်ဆိုရင် ကိုယ်က မြန်မာစကားစစ်စစ်ဖြစ်တဲ့ စကားလုံးတွေကို ပြောနေပေမယ့်လဲ၊ ကိုယ်ပြောတဲ့ အဖွဲ့  အစည်းအကြောင်းကို သိမသိတော့ ကိုယ်လဲမသိဘူးလေ။

ဂုဏ်ယူစရာ (ထင်တာပေါ့လေ) တစ်ခုကတော့ မြန်မာအလုပ်သမားလိုလိုက ထိုင်းစကားကို ပြောတတ်သားဗျ။ (မပီတာကလွဲရင်၊ ကျနော်လဲ မပီပါဘူးလေ)။ ကျနော်တို့ နဲ့ ပြောရင်တောင် သူတို့ က ထိုင်းလိုသုတ်တာ။

အဲလိုနဲ့  အလုပ်ပြီးတဲ့အချိန်က ညနေ ၄ နာရီရှိနေပြီလေ။ ထိုင်းမှာဆိုရင် လိုင်းကားတွေက ည 12 နာရီ 59 ထိပဲပြေးတယ်လေ။ နှစ်သစ်ကူးကြိုတာက ည 12 နာရီလေ။ ကျနော်နေတဲ့ နေရာနဲ့  ဘုန်းကြီးကျောင်းက အဝေးသားဗျ။ ဒါကြောင့်မို့  မသွားလိုက်ရပါဘူး။

ဒါပေမယ့် ကိုယ့်ကိုကိုယ်အတွက် ရှမ်းဟင်းလေးတော့ချက်လိုက်ပါတယ်။

လုပ်ပုံကတော့

၁) ကြက်သွန်ဖြူ၊ ကြက်သွန်နီကို (သင့်လျော်တစ်လောက်) အခွံခွါပြီး ရေပြုတ်လိုက်ပါတယ်။
၂) 1၀ မိနစ်လောက်ကြာတဲ့အချိန်မှာ ပြုတ်ထားတဲ့ ကြက်သွန်ဖြူနဲ့  ကြက်သွန်နီကို ရောထောင်းပါတယ်။


ထောင်းနေစဉ်အတွင်းမှာ ပဲပုတ်အမှုန့် နှင့် ငရုတ်သီးအမှုန့် ကို နှစ်သက်သလို ရောထည့်လိုက်ပါတယ်။ ကြေသွားတဲ့အချိန်မှာ ဆား၊ ဟင်းချိုမှုန့်  ကိုထည့်လိုက်မယ်ဆိုရင် ပဲပုတ်ထောင်းကို ရရှိမှာဖြစ်ပါတယ်။ (ပဲပုတ်မရှိရင် တခြားဖြစ်တဲ့ ငါးပိကို အစားထိုးလို့ ရပါတယ်။ ) အဲရှမ်းဟင်းတော့ မဖြစ်သွားဘူးပေါ့လေ)

ဒါနဲ့ ပဲ ဒီနှစ်မှာတော့ ကိုယ့်ဟင်းနဲ့ ကို ကျေနပ်လိုက်ရပါတယ်။



လေးစားစွာဖြင့်



ရှမ်းကလေး