Subscribe

RSS Feed (xml)

Powered By

Skin Design:
Free Blogger Skins

Powered by Blogger

Thursday, July 16, 2009

အရက်ကြောင့်လား ?

ယနေ့ လခထုတ်သဖြင့် ကျနော်သည် မိန်းမသိမ်းယူခြင်းမပြုမီ တစ်ဝိုင်းလောက်ထောင်မည်ဟု တွေးတောကာ သူငယ်ချင်းတစ်သိုက် နှင့် ချီတက်ခဲ့လေသည်။ သောက်ရင်း သောက်ရင်းနှင့် တစ်ချို့ မှာမူးလာသော်လဲ မမူးသေးသည့် ကျနော်နှင့် တစ်ချို့ အရက်တွင်း များသည် ဘီအီးထပ်၍ ဖြည့်စွက်ရန် ထပ်၍ ချီတက်ခဲ့သည်။ မူးပြီးသောသူများနှင့် မ.ယ.က (မယားကြောက်) များကတော့ ကိုယ့်ဆိုင်ရာ ဆိုင်ရာသို့  ကြွသွားလေ၏။

မိန်းမအား လခပြန်မပေးပါက ထမင်းငတ်ကာ ကိုယ့်ဝမ်းကို ကိုယ်ပြန်ကျောင်းရမည့်ကိန်းကို မြင်ရောင်သဖြင့် ကျနော်သည် လခ တစ်ချို့ ကိုသိမ်းထား၏။ သို့ သော် အရက်သောက်သည် ဆိုသည်မှာ မူးချင်လို့ သောက်သာပဲကွ၊ မမူးချင်ရင် ရေပဲသောက်နေတော့ မပေါ့ ဆိုသည့်မူကို ကိုင်သည့်အလျောက် ဘီအီးအား ရေများများရောကာ ပဲလော် ဖြင့်သာဖျော နေတော့သည်။

သို့ နှင့်ရေချိန်ကိုက်၍ လွန်သွားရာ အိမ်သို့  စစ်ကြောင်းပြောင်း၍ ချီတက်ခဲ့စဉ် အိမ်မပြန်ရောက်မီ ပဲလော်က အစွမ်းပြသဖြင့် နီးရာသို့ သာ စခန်းသွားရန် ချုံပုတ်ထဲ ကိုယ်ရောက်ဖျောက်လိုက်သည်။

သို့ သော် ကံမကောင်းစွာဖြင့် ကိစ္စမပြီးခင်တွင် လှည့်လည်နေသော ရဲသားတစ်ဦးနှင့် တွေ့ သောအခါ၊ ရဲက ‘ဟေ့လူ ဘာလုပ်နေတာ လဲဗျ?‘ ဟုမေးသောအခါ ကြောက်ကြောက်နှင့် ကျနော်က ‘အီ အီး...အိ ပါ..ပါ..နေတာပါဗျာ‘ ဟု ကြောက်ကြောက်နှင့် ၀က်သံလိုလို ဖြေမိသွား၏။

ဇွဲရှိသောရှဲကလဲ ‘ခင်ဗျားက ဘာလို့ မှောင်ရိပ်ခိုနေတာလဲဗျ?‘၊ ‘ခက်ပြီ အလေးသွားနေပါတာယ်ဆိုမှ လမ်းမ ပေါ်မှာပါရမှာလား လို့ ။ အဲ မီးအမြဲပျက်နေတဲ့ လမ်းမပေါ်မှာပါရင်လဲ မီးမပါတဲ့ကားတွေတက်ကြိတ်လို့  အီအီးနဲ့  တစ်ထေရာထဲ ဖြစ်သွားမှာပေါ့ ဗျ‘ ဟု အရှိန်နှင့် ခပ်ဆက်ဆက်ဖြေလိုက်၏။

ထိုအခါ ကျနော့်ထက်ဇွဲပိုကောင်းသော ရဲလေးက ‘ဒါဆိုရင်ခင်ဗျားမှာ ဘာသက်သေရှိလဲဗျ?‘ ရော..ခက်ပါပေ့။ သူ့ ကိုယ်သူ တရားသူကြီးများ မှတ်နေလားမသိ။ သို့ သော် ကျနော်လည်း တာဝန်နှင့်ဝတ္တရားအရ ‘သက်သေဟုတ်လား? ဒီမှာလေ ဆရာရဲ့  လတ်လတ်ဆတ်ဆတ်ရှိနေသေးတယ်၊ ပူပူနွေးနွေးလေး ပုံနေတာလေဆရာရဲ့ ။ ဒါမှမကျေနပ်သေးရင်လဲ ဟောဒီလေးမှာ ထိုးကြည့် လိုက်ပါ ဓါတ်မီးလေးနဲ့  သုတ်တောင် မသုတ်ရသေးဘူးဗျ‘။

ကျနော့်စကားကြောင့် ရဲလေးသည် စိတ်ဆိုးသွားကာ ‘ခင်ဗျားက တာဝန်ရှိပုဂ္ဂိုလ်ကို စော်ကားတယ်ပေါ့လေ။ ဒါဆိုရင်တော့ ခင်ဗျားကို ကျနော်တာဝန်အရ အရေးယူရမယ်ဗျ။ ကဲ...ခင်ဗျား 5/ည နဲ့ သွားချင်လား၊ မှောင်ရိပ်ခိုမှုနဲ့  ရုံးတင်တာ ခံချင်လား ပြောဗျာ။‘ တဲ့။ တာဝန်ရှိတဲ့ ပုဂ္ဂိုလ်တွေများဗျာ တာဝန်သိတတ်လိုက်တာ။ အင်း...ဒင်းတို့ တွေ နှစ်ချုပ်အမှုများများလိုချင်လို့  ပဲဖြစ်ရမယ်လေ။ မထူးတော့ဘူးလေ ဖြစ်သမျှအကောင်းပဲမှတ်လိုက်တော့မယ်။

ဟင်း...ဟင်း...မှောင်ရိပ်ခိုတဲ့အမှုကကြီးနိုင်တယ်၊ ဒီတော့ 5/ည ဆိုရင် 5 ရက်ပဲအိပ်ရမှာ မဆိုးဘူး။ 5/ည နဲ့ ပဲသွားတော့ မယ်ဟု ရင်ဘတ်ကော့ကာ ရဲနောက်တို့  ကောက်ကောက်ပါသွားတော့၏။ သို့ နှင့် 5/ည ဖြင့်ပါလာသော်လဲ ကျနော်သည် ထောင်ထဲတွင် တစ်လ ကျော်ကျော်နေလိုက်ရပါသည်။

ထောင်တွင်း၌ မည်သို့ သော အယူအဆရှိသည်တော့မသိပါ၊ သို့ သော် ကျနော့်၏သိပ်မသန်သော ဆံပင်များကို ရိပ်ပေးလိုက်ပါသေးသည်။ ထို့ ပြင်ရိပ်သော ဓါးသည် တစ်ခေါက်သုံး မဟုတ်ပဲ၊ အလောင်းမင်းတရားလက်ထပ်ထဲက သုံးလာသော ဓါးများဖြစ်လေရာ ရောဂါများစွာ ထိုဓါးပေါ်တွင် ကျက်စား တွယ်ကပ်နေပေလိမ့်မည်။

သို့ နှင့် ထောင်မှထွက်ပြီးကျနော်သည် လိမ္မာစွာဖြင့် လခကို ပုံမှန်အပ်ပါသော်လည်း မကြာခဏ ဖျားနာလာသဖြင့် သွားရောက်စစ် ဆေးရာ ကျနော့်တွင် HIV အပေါင်းလက္ခဏာ ရှိသည်ကို ၀မ်းနည်းဖွယ်ရာတွေ့ ရှိလိုက်ပါသည်။ ကျနော်သည် ငါးပါးသီလ အားလုံးအား လုံအောင်မစောင့်နိုင်သော်လည်း သူတစ်ပါး သား၊သမီး၊ဇနီး၊မယား များဖြင့်မကျူးလွန်ပါ။

ထို့ ကြောင့် ကျနော်ရရှိသော ရောဂါသည် ထိုနေ့ က မိန်းမအားလခ အပြည့်မပေးပဲ အရက်သွားသောက်၍ရလာသော ရောဂါများဖြစ်နေသလား?................



ရှမ်းကလေး (ဖတ်ဖူးသော ဟာသစာအုပ်တစ်ခုမှ ပြန်မှတ်မိသမျှဝေမျှပေးလိုက်ပါသည်။ ရေးသူနှင့် စာအုပ်နာမည် မမှတ်မိပါ။ )

No comments: