Subscribe

RSS Feed (xml)

Powered By

Skin Design:
Free Blogger Skins

Powered by Blogger

Monday, September 14, 2009

ခရီးသွားမှတ်တမ်း (3= မန္တလေး နှင့် နဘား)

ကသာကိုသွားဖို့ အတွက် ပထမဆုံး နဘားဘူတာကိုသွားရပါတယ်။ နဘားကနေမှတစ်ဆင့် ကားနဲ့  ကသာကိုသွားရပါတယ်။ မန္တလေးကမှာ တည်းလို့ ပြီးတာနဲ့  ကျနော်တို့ လဲ နဘားကိုသွားဖို့  အထုပ်တွေသယ်ပြီး ဘူတာကိုရောက်လာပါတယ်။ ကျနော်တို့  စီးမယ့် ရထားကလဲ upper ပါပဲ။ အဲ....သူတို့ ပြောပုံအရဆိုရင် တရုတ်ရထားပေါ့လေ။



အပေါ်ပုံကတော့ မန္တလေးရထားဘူတာပါ။ အပြင်နဲ့  အတွင်းနဲ့ နည်းနည်းပဲ ကွာပါတယ်ဗျာ။

ရထားပေါ်တက်ပြီး ပစ္စည်းတွေကို ပစ္စည်းတင်တဲ့နေရာမှာထားပြီး (ကားတွေလိုပါပဲ အပေါ်မှာ ပစ္စည်းတင် အောက်က ထိုင်ခုံလေး မှာထိုင်ပေါ့)ထိုင်ခုံလေးမှာထိုင်တယ်ပေါ့။ အဲ...တစ်ချို့ ထိုင်ခုံတွေက ပျက်နေပြီး တည့်တည့်ထိုင်လို့ မရဘူးဖြစ်နေတယ်ဗျ။ လဲလျောင်း ပြီးထိုင်နေရတယ်လေ။ ဒါကောင်းတာပဲလေ...ထင်မိလိမ့်မယ်။ ဒါပေမယ့် ခရီးထွက်ဖူးရင်တော့် ကောင်းတယ်လို့  ထင်မှာ မဟုတ်ပါဘူးလေ။

အဲလိုနဲ့ ရထားက ထွက်ပါလေရော။



ရထားထွက်တာနဲ့  တွေ့ ရတဲ့ မြင်ကွင်းပါ။ လူတွေက ရထားမှာ တွဲခိုပြီးတော့ လိုက်ပါလာတာဖြစ်ပါတယ်။ ဝေးဝေးကိုတော့ မသွား ပါဘူး။ သူတို့ ရဲ့ ဆိုင်ရာဆိုင်ရာ ရောက်ရင် ခုန်ဆင်းကြပါတယ်။ သွားရင်းသွားရင်းနဲ့  ကျနော်ရောက်ခဲ့တဲ့ နေရာကတော့..



ဒီတံတားက ဧရာဝတီမြစ်ပေါ်မှာဆောက်ထားတဲ့ တံတားဖြစ်ပါတယ်။ လှပပါပေတယ်။

ရထားပေါ်ရောက်တုန်းကပေါ့ဗျာ... upper ဆိုပေမယ့် ထိုင်ခုံလေးနဲ့ ပါပဲ။ ထိုင်ခုံရဲ့  စပရိန်တော့ တော်တော်လေးကို ကောင်းတယ်ဗျ။ ချိုင့်တခုခုရောက်ရင် ထိုင်ခုံက 3 လက်မလောက် နှိမ့်ချည်မြင့်ချည်လုပ်နေတယ်ဗျာ..တော်တော်လေးကို စိမ်ရှိ တယ်လို့ ထင်ရပါတယ်။ အဲ...နည်းနည်းကြာလာတော့ ခေါင်းမူးသလိုလို ခံစားရတယ်ဗျ။

upper မှာ လေအေးစက်နဲ့ ပါပဲ..ဒါပေမယ့်လေအေးစက်က ပင့်ကူမင်တွေတက်လို့  မသုံးရမှန်းသိသာပါတယ်။ ဒါပေမယ့် ... ပန်ကာနဲ့  သွားနေရတုန်းပါပဲ။ ရထားနဲ့ သွားနေတုန်းမှာပဲ... ခရီးသယ်တွေက ဆေးလိပ်သောက်တာကို ကျနော် အနေနဲ့  ထူးထူးဆန်းဆန်း တွေ့ ရပါတယ်။ သူတို့ က ဘယ်သူ့ ကိုမှ အားမနာပဲနဲ့  သောက်နေတာပါ။ ဆေးလိပ်မသောက်ရ ဆိုတဲ့ စကားလုံးက သူတို့ နဲ့  လုံးဝမသက်ဆိုင်သလိုပါပဲ။

ပြီးတော့ တစ်ချို့ က ချမ်းလို့ ဆိုပြီး ပြတင်းပေါက်တွေပိတ်ထားတယ်လေ။ ပြတင်းတွေပိတ်ပြီးတဲ့ အိပ်နေပေမယ့် မအိပ်သေးတဲ့ သူတွေအတွက်တော့ ဆေးလိပ်သောက်သူတွေရဲ့ ဒဏ်ကို အလူးအလဲခံရပါတယ်။ (ဘယ်သူမ ဘာမှမပြောပါဘူး၊ ရိုးသားလို့  လားမသိပါဘူးလေ။ )

နောက်ဆုံးတော့ ကျနော်တို့ စီးလာတဲ့ 12 နာရီရထားဟာ နဘားကို 43း0 မှာရောက်လာပါတယ်။

ရှမ်းကလေး (ဆက်လက်ဖော်ပြပါမည်)

No comments: