ခရီးသွားမှတ်တမ်း = ရန်ကုန်

မန္တလေးကနေ ရန်ကုန်ကို ကားနဲ့ ပြန်လာတော့ ကားက မှန်လုံလေ၊ လေအေးစက်နဲ့ ပေါ့ဗျာ။ ကားပေါ်တက်ပြီးလို့  ကားထွက်သွားပြီးတဲ့ နောက်မကြာခင်မှာ ဆေးလိပ်နံ့ ရတယ်ဗျ။ အဲဒါနဲ့  ကားဆရာက ဆေးလိပ်မသောက်ရဘူး ဆိုပြီး လိုက်ကြေငြာပါတယ်။ တစ်ချိန်ထဲ မှာပဲ အမွေးဘူးနဲ့  ကားတစ်ခုလုံးကို လိုက်ဖျန်းပါတယ်။

ကားပေါ်မှာတော့ ထုံးစံအတိုင်း ရုပ်ရှင်ပြတယ်လေ။ တခွေပြီးရင် နောက်တစ်ခွေပြတယ်ဗျ။ အဲလိုနဲ့ ကြည့်လိုက်တာ နှစ်ကားလောက် ပြီးသွားတယ်။ ပြီးတော့ ထမင်းစားရပ်တယ်လေ။ ကိုယ်ကြိုက်တာမှာစားပေါ့။ အဲ....ခက်တာက ကားက အိမ်သာ မပါဘူးလေ။ အမောပြေအောင် ဘီယာလေးပါလေး သောက်လို့ တော့ သိပ်အဆင်မပြေဘူး။ ဘာဖြစ်လို့ လဲဆိုတော့ ဘီယာသောက်ရင် ဆီးခဏ၊ ခဏသွားတယ်လေ။

မနက်ပိုင်းမှာ ရန်ကုန်ကားဂိတ်ကို ဆိုက်ရောက်ပါတော့တယ်။ ကားပေါ်ကဆင်းလိုက်တာနဲ့  ဘယ်သွားမလဲ၊ တက္ကဆီဌားမလား ဆိုပြီး လာကြိုတာတွေကိုတွေ့ ရပါတယ်။ ကျနော်တို့ လဲ ခပ်တည်တည်နဲ့ ပေါ့နော် မသွားဘူး၊ မလိုဘူး နဲ့  ဘူးတစ်လုံးခံ ငြင်းနေတယ်လေ။
(ကြားတလောက်တော့ ကားဂိတ်က တက္ကဆီက လူမပြည့်ရင်မထွက်ဘူးလေ (ကိုယ်က အပိုင်ဌားရင်တောင်မှပေါ့)။ လူအပြည့်ကို သူတို့ က စောင့်နေကြတာ။ တခါကပေါ့နော် ကျနော့်အဒေါ်နှစ်ယောက်ဆို ကားဌားလိုက်တာ အနီးဆုံးတစ်ယောက် ကိုတော့ ပို့ လိုက်ပါတယ်။ ဒါပေမယ့် ကျန်တဲ့ တစ်ယောက်ကိုတင်ပြီး ကားဂိတ်ကို ပြန်လာတယ်လေ။ လူလာခေါ်တာပေါ့နော်။ သူ့ မှာ မနက်ကနေထိုင်စောင့်လိုက် တာ ညနေပိုင်းမှ လူရလို့  အိမ်ကိုပြန်ရောက်လာတယ်လေ။ သတိထားပေါ့ဗျာ။ )

နောက်ဆုံးတော့ ကျနော်တို့ လဲ ကားဂိတ်အပြင်က ကားတစ်စီးဌားပြီး အိမ်ပြန်လာပါတယ်။ ရန်ကုန်ရောက်တယ်ဆိုမှတော့ ရွေတိဂုံကို သွားဖူးတယ်လေ။



အပေါ်ကပုံကတော့ ကိုယ့်မွေးနေ့ ၊ နံ မှာ ရေကပ်ပြီး ပန်းပူဇော်နေတာပါ။ ကြည်နူးစရာ မြင်ကွင်းပါပဲ။ (ပန်းတော့ နဲနဲလေး ဈေးကြီးတယ်ဗျ။ တစ်စီးကို 3000 ကျပ်ပါ။ အိမ်သာကတော့ 50 ပါပဲ (လိုရမယ်ရပေါ့လေ)) ကျနော်လဲ ဘုရားတစ်လျှောက် လှည့်ပတ်ပြီး ဖူးမျှော်တယ်လေ။ ရွှေသင်္ကန်းတောင်ပပ်လိုက်တယ်ဗျ။ (စဉ်းစားရင်းတောင် ၀မ်းသာပီတိဖြစ်မိပါတယ်) အဲလို နဲ့  ဘုရားရှိခိုးတယ်ပေါ့ နော်။ ရှိခိုးနေတုန်းမှာ အနီးက အဒေါ်တစ်ယောက်က ဆုပေးပါတယ်။ ပြီးတော့ သီလယူတဲ့ သူများကိုလဲ ကန်တော့သွားပါလား ဆိုပြီးတော့ ပြောတယ်လေ။ ကျနော်တောင် ခပ်ကြောင်ကြောင်ဖြစ်သွားတယ်လေ။ ဒီလိုမျိုး ဖြစ်မယ်လို့ မထင်ဘူးလေ။ အဲဒါနဲ့  ကျနော့် တို့ လဲ 3000 ကန်တော့လိုက်တယ်ဗျ။

ပြောရအုန်းမယ်။ ရွှေတိဂုံ ဘုရားမှာ ဓါတ်လှေကားရှိတယ်ဟုတ်။ ကျနော်တို့ အဲဒီကိုသွားတုန်းက ဓါတ်လှေကားကို သွားစီးတယ်လေ။ ကျနော်အံ့သြတာက အဲဒီ ဓါတ်လှေကားထဲမှာ အလုပ်သမားတစ်ယောက်ကလိုက်ပါပြီး ခလုတ်တွေကို လိုက်နှိပ်ပေးတယ်လေ။ အလွှာတွေအများကြီးရှိခဲ့ရင်တော့ ကျနော် မအံ့သြပါဘူး။ ဒါပေမယ့် နှစ်ထပ်ထဲ ရှိတဲ့ ဓါတ်လှေကားမှာ အလုပ်သမားက လိုက်ပါနေတာ ကိုက ထူးဆန်းနေတယ်လေ။ (ကျနော့်အတွက်ပေါ့) ဒါပေမယ့်ပေါ့လေ ရန်ကုန်ကိုရောက်ရင်တော့ ရွှေတိဂုံဘုရားကို သွားပြီး ဖူးသင့်ပါတယ်။ အရှေ့ မုဂ်က ဓါတ်လှေကားက မီးမှန်တယ်လို့ ကြားရပါတယ်။

ဘုရားဖူးပြီးတော့ Ocean ဆိုတဲ့ Super Market မှာ ပစ္စည်းသွားဝယ်တယ်လေ။ တော်တော်လေးကို စုံပါတယ်၊ ပြီးတော့ မြန်မာ အစားအစာတွေတော်တော်များများ ရရှိနိုင်ပါတယ်။ ပစ္စည်းဝယ်ပြီးတော့ အိမ်ပြန်ခဲ့တယ်လေ။

ညပိုင်းရောက်တော့ နှုတ်ဆက်ပွဲအနေနဲ့  မြန်မာစည်ဘီယာသောက်တာပေါ့ဗျာ။ ( တိုက်တဲ့ ကိုငယ်နှင့် ဇနီးအားကျေးဇူးတင်လျက်) စည်ဘီယာက တော်တော်လေးကို သောက်လို့ ကောင်းပါတယ်။ စည်ဘီယာကုန်တော့ ဦးနိုင်ရဲ့  Tiger ဘီယာသောက်တယ်လေ။ အဲဒီဘီယာက နဲနဲ ခါးတယ်ဗျ။ အရသာကတော့ ကျနော်သိပ်မကြိုက်ဘူးပဲ။ ဒါပေမယ့် သူက Sugar သိပ်မပါတော့ လူကို မ၀စေဘူးလေ။ (သူ့ ရဲ့ ကောင်းကွက်ပေါ့ဗျာ။ အမည်းရောင်ရှိတဲ့ ဘီယာတွေက လူကို သိပ်မ၀စေပါ။)

သောက်ပြီးတော့ နေ့ လည်မှာ နိုးလာတယ်လေ။ အဲဒါနဲ့  နာမည်ကြီးတဲ့ ကုလားဆိုင်မှာ ဂဏန်းဟင်းသွားစားတယ်ဗျာ။



အပေါ်ကတွေ့ တဲ့ပုံက အဲဒီဆိုင်က ဟင်းတွေပါ။ အဲဒီနေ့ တုန်းက ကျနော်တို့  ဆိတ်ဦးနှောက်၊ ဆီတ်ကလီစာ၊ ဂဏန်းဟင်း၊ ပဲဟင်း၊ ငါး၊ ကြက်သား...အို အစုံပါပဲ.. စားတယ်လေ။ ဒီဆိုင်က ဂဏန်းဟင်းက နာမည်ကြီးလေ။ ပလွတ်.. ပလွတ်နဲ့  ဂဏန်းခြေထောက်၊ လက်တွေက အသားတွေကို စုပ်စားရတာကိုက အရသာပဲလေ။ အဲဒီဆိုင်က နန္ဒာလှိုင်အိမ်နားမှာပါ။ (လမ်းတွေကိုတော့ မမှတ်မိဘူးလေ၊ နန္ဒာလှိုင်အိမ်နားကလို့ ပဲ မှတ်ထားတာကိုး )

စားသောက်ပြီးတော့ ခံတွင်းချဉ်လာတာနဲ့  စိတ်တိုင်းကြ (လေယာဉ်ကွင်းသွားတဲ့လမ်း) လဖ္ဘက်ရည်ဆိုင်သွားတယ်လေ။



ပုံထဲကဟာက............... ကြက်ကြော်လေ။ ဂဏန်းဆိုင် (ကုလားဆိုင်ပါ) ကထွက်လာတာနဲ့  ဗိုက်ကပြည့်နေတော့ မမြည်းလိုက်ရဘူး။ ဒါပေမယ့်စားလို့ ကောင်းမယ့်ပုံပါပဲ။



ဒါက ဖက်ထုပ်ပုံပါ။ စားလို့ တော့ ကောင်းတယ်ဗျ။ ကြုံရင်ဝင်စားလိုက်ပါအုံးလေ။ အဲ...ညပိုင်းမှာ ငပလီဆိုတဲ့ အကင်ဆိုင်မှာ သွားစားတယ်လေ။ အကင်ဆိုင်ဆိုတာကလဲ.. ကိုယ်ကြိုက်တဲ့ အသား၊ ငါး၊ အသီး တွေကို ရွေးရပါတယ်။ ပြီးတော့ သူတို့ က ကင်ပေးတယ်လေ။ ကင်ပြီးရင် ကိုယ်ထိုင်တဲ့ စားပွဲမှာ လာချပေးတယ်။ ကိုယ်က ဘာမှ လုပ်စရာမလိုဘူး။ ထိုင်စားယုံပေါ့လေ။ အဲဒီ နေ့ တုန်းက ကျနော်တို့  8 ယောက်စားတာ စုစုပေါင်း 44000 ကျော်ကုန်တယ်ဗျ။ (ကင်မရာ မေ့ခဲ့လို့  ဓါတ်ပုံမရိုက်လိုက်ရဘူး)

နောက်တစ်ခုကောင်းတဲ့ဆိုင်ကတော့ Happy ပါ။ အဲဒီဆိုင်မှာ ခေါက်ဆွဲ မျိုးစုံရတယ်လေ။ စစ်ကိုင်းလား၊ ရှမ်းလား...အို အစုံပါပဲ။ တော်တော်လေးကို ကောင်းတဲ့ဆိုင်ပါ။ ကြုံရင်ဝင်ဆွဲကြည့်လေ။ မဆိုးပါဘူး။

အဲလိုနဲ့  ပြန်လာရမယ့်အချိန်ရောက်တော့ ရန်ကုန်လေဆိပ်ကို ရောက်ခဲ့ပါတယ်။



အပေါ်ပုံကတော့ ဟသာင်္မောင်နှံ ပျံနေတဲ့ပုံဖြစ်ပါတယ်။ အဲဒီပုံကို လေဆိပ်မှာတွေ့ နိုင်ပါတယ်။ အဲ... ကံကောင်းလို့ ဗျာ။ အဲဒီ နေ့ တုန်းက ကျနော့်မှာ ပိုက်ဆံ မပါဘူးလေ။ ကျနော်မှမသိပဲဟာ။ လေယာဉ်ကွင်းမှ Tax ပေးရတယ်လေ။ တော်သေးတာပေါ့ဗျာ လေးကျော် ကူပေလို့  နို့ မဟုတ်ရင် တော်တော်လေးကို ကွကျမှာဗျ။ အခွန်မဆောင်ရင် လက်မှတ်ဖြတ်လို့ မရဘူးလေ။ (စာဖတ်သူများလဲ ပြင်ဆင်နိုင် အောင်လို့ ပါ) ကံကောင်းတော့ နောက်ဆုံးမှာ လက်မှတ်ဖြတ်ပြီး ဂိတ်မှာသွားစောင့်နေပါတယ်။ (အခွန်က 500 ကျပ်တည်းပါ၊ မလန့် နဲ့ နော်) နောက်ဆုံးတော့ လေယာဉ်ဆိုက် လာတာနဲ့ ကျနော်လဲ လေယာဉ်ပေါ်ကို တက်ပြီး ကိုယ်ခဏနေထိုင်ပြီး ပညာသင်ကြား တဲ့ နိုင်ငံကို ပြန်လည်ထွက်ခွါလာခဲ့ပါတယ်။



ရှမ်းကလေး (တခြားခရီးစဉ်များကို ဆက်လက်ဖော်ပြပါမည်)